Glamour

Hettupeysur út um allt

Ritstjórn skrifar
Glamour/Getty
Tískuvikan fór fram hjá frændum okkar í Kaupmannahöfn í vikunni og að sjálfsögðu var borgin stútfull af smekklegu fólki sem klæddi sig vel enda kalt á þessum tíma árs. Glamour hafði samband við tvo tískuunnendur sem eru á tískuvikunni til að forvitnast um hvaða trend voru mest áberandi í götutískunni í Kaupmannahöfn þetta árið enda ræður sú tíska ýmislegu þegar kemur að því að búa til næstu trend. Og álitsgjafar Glamour voru á sama máli um hvað flík er heitasta flík ársins.

Andrea Röfn Jónasdóttir, verslunarstjóri í kvenfataverslun Húrra Reykjavík og tískubloggari á Trendnet.is, var á tískuviku í þeim erindagjörðum að kaupa inn haust og vetrartísku næsta árs.

„Hér á tískuvikunni í Kaupmannahöfn eru veglegar yfirhafnir áberandi og strigaskórnir halda velli. Mikið af litum og printum ásamt óhefðbundnum samsetningum, til dæmis hettupeysum við kjóla.“

Elísabet Gunnarsdóttir, tískubloggari og annar eigandi Trendnet.is, naut þess að fara á sýningar og skoða fólkið á tískuvikunni í Kaupmannahöfn.

„Hettupeysan hefur verið áberandi undanfarið og miðað við götustílinn á tískuvikunni þá virðist þetta trend vera að ná hámarki. Smekklegir gestir klæddu peysurnar upp og niður, á mismunandi hátt og við ólíkar flíkur, samsetningar sem var mjög áhugavert að sjá. Það verða hettupeysur út um allt núna og halda áfram inn í haustið.“






Velkomin á Vísi. Þessi vefur notar vafrakökur. Sjá nánar.