Letterman snýr aftur í nýjum þáttum á Netflix

David Letterman, spjallþáttagoðsögn, hefur ákveðið að rísa upp úr hinum helga stein og taka við sem þáttastjórnandi nýrrar þáttaseríu á Netflix.

Letterman segist spenntur fyrir verkefninu. Hver þáttur verður um klukkutími og verða þeir sex talsins. Ekki er vitað um hvað þættirnir munu fjalla.

Letterman settist í helgan stein árið 2015 eftir að hafa stjórnað þætti sínum, The Late Show í 33 ár. Hann er goðsögn í Bandaríkjunum og heillaði fólk með beittum húmor sínum. Hann tók viðtöl við marga af þekktustu einstaklingum og ráðamönnum heims og var annálaður fyrir yfirvegaða framkomu.