Orðin verða svo smá Helga Vala Helgadóttir skrifar 23. janúar 2017 07:00 Orðin verða bara svo agnarsmá. Ekkert kemst að nema þessi doði, sorg og djúp hluttekning. Allt argaþras og rifrildi út af dagsins málum skipta engu. Í eina viku hefur þjóðin staðið sem ein í leitinni að Birnu Brjánsdóttur og nú sendum við fjölskyldu og ástvinum okkar allra bestu og hlýjustu strauma. Umvefjum þau með kærleika og þökkum um leið öllum þeim sem lögðu lið við leitina. Áfram heldur lögreglan leitinni að sannleikanum og þangað sendum við líka okkar styrk og góðu strauma. Við þurfum áfram að standa saman því ef eitthvað skiptir máli á tímum sem þessum þá er það samstaðan. Samstaðan um að gera umhverfi okkar öruggara. Við megum ekki draga þann lærdóm að við hér á okkar fámenna landi, sér í lagi ungar konur, þurfum að ganga hrædd um göturnar, heldur standa saman um að gera umhverfið öruggara og fordæma hvers kyns ofbeldi. Við eigum að byrja heima hjá okkur. Byrja á að tala við börnin okkar um það að beita aldrei ofbeldi. Að ofbeldi muni aldrei skapa neitt annað en vanlíðan og óhamingju. Að með ákvörðuninni einni, um að beita aldrei ofbeldi, getum við haft áhrif á að ofbeldi verði ekki beitt né heldur liðið. Ofbeldi getur byrjað smátt en endað með skelfingu, líkri þeirri sem við virðumst því miður nú hafa orðið vitni að. Föðmum hvert annað, börnin okkar og vini. Tölum saman. Sendum frá okkur kærleika og góðar tilfinningar því það mun sigra hatur og illsku. Viltu birta grein á Vísi? Sendu okkur póst. Senda grein Birtist í Fréttablaðinu Mest lesið „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun Vér erum úr sömu sveit Steinþór Logi Arnarsson Skoðun Heiðmörk: Gaddavír og girðingar Auður Kjartansdóttir Skoðun Réttlát leiðrétting veiðigjalda Elín Íris Fanndal Skoðun Sósíalistaflokkurinn kaus breytingar Karl Héðinn Kristjánsson Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun Stéttarkerfi Halldóra Lillý Jóhannsdóttir Skoðun Hamas og átökin við Ísrael – hvað er ekki sagt upphátt? Einar G Harðarson Skoðun Halldór 24.05.2025 Halldór
Orðin verða bara svo agnarsmá. Ekkert kemst að nema þessi doði, sorg og djúp hluttekning. Allt argaþras og rifrildi út af dagsins málum skipta engu. Í eina viku hefur þjóðin staðið sem ein í leitinni að Birnu Brjánsdóttur og nú sendum við fjölskyldu og ástvinum okkar allra bestu og hlýjustu strauma. Umvefjum þau með kærleika og þökkum um leið öllum þeim sem lögðu lið við leitina. Áfram heldur lögreglan leitinni að sannleikanum og þangað sendum við líka okkar styrk og góðu strauma. Við þurfum áfram að standa saman því ef eitthvað skiptir máli á tímum sem þessum þá er það samstaðan. Samstaðan um að gera umhverfi okkar öruggara. Við megum ekki draga þann lærdóm að við hér á okkar fámenna landi, sér í lagi ungar konur, þurfum að ganga hrædd um göturnar, heldur standa saman um að gera umhverfið öruggara og fordæma hvers kyns ofbeldi. Við eigum að byrja heima hjá okkur. Byrja á að tala við börnin okkar um það að beita aldrei ofbeldi. Að ofbeldi muni aldrei skapa neitt annað en vanlíðan og óhamingju. Að með ákvörðuninni einni, um að beita aldrei ofbeldi, getum við haft áhrif á að ofbeldi verði ekki beitt né heldur liðið. Ofbeldi getur byrjað smátt en endað með skelfingu, líkri þeirri sem við virðumst því miður nú hafa orðið vitni að. Föðmum hvert annað, börnin okkar og vini. Tölum saman. Sendum frá okkur kærleika og góðar tilfinningar því það mun sigra hatur og illsku.
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun