Hin umdeilda Kathy Griffin á leiðinni til landsins

Grínistinn Kathy Griffin er á leið til Íslands. Hún verður með uppistand í Eldborgarsal Hörpu þann 29. nóvember. Griffin er margverðlaunuð og bæði tekið við viðurkenningum á Grammy og Emmy verðlaunahátíðunum. Hún hefur komið fram í sjónvarpi, kvikmyndum og hefur verið reglulegur gestur í spjallþáttum vestanhafs um árabil.

Þetta er í fyrsta sinn sem Griffin ferðast um allan heiminn með sýningu sína. Miðasala hefst á á föstudaginn klukkan tíu og verður inni á tix.is og harpa.is.

Griffin varð að biðja Donald Trump opinberlega afsökunar á mynd sem hún birti í maí. Þar hélt hún á Donald Trump grímu sem var öll útötuð í gerviblóði. Var eins og hún héldi á afskornu höfði Bandaríkjaforseta í höndunum. Griffin fjarlægði myndina af veraldarvefnum.