Fjölmargir fögnuðu æviminningum Guðmundar H.

Bókaútgáfan Skrudda efndi til útgáfuhófs á föstudaginn var í Húsi verslunarinnar vegna nýútkominna æviminninga Guðmundar H. Garðarsson.

Höfundur bókarinnar er Björn Jón Bragason lögfræðingur og sagnfræðingur. Um 100 manns lögðu leið sína í hófið sem var haldið í sal VR, en Guðmundur var formaður Verslunarmannafélags Reykjavíkur í 23 ár og starfsmaður Sölumiðstöðvar hraðfrystihúsanna í tæpa fjóra áratugi.

Auk þess var hann alþingismaður, formaður Samtaka um vestræna samvinnu, stjórnarformaður Lífeyrissjóðs verslunarmanna og svo mætti lengi telja. Góður rómur var gerður að ræðu Guðmundar í hófinu en hann er nýorðinn 89 ára.