Blac Chyna og Rob Kardashian eignast stúlku

Robert Kardashian og Blac Chyna hafa eignast stúlkubarn. Fæðingin fór fram í sömu spítalasvítu og Kim Kardashian eignaðist Saint West fyrir tæpu ári síðan. Þetta er fyrsta barn parsins. 

Rob og Chyna eru með sinn eigin raunveruleikaþátt en fæðingin var tekin upp og verður líklega sýnd á sjónvarpsstöðinni E! á næstu mánuðum. Samband þeirra hefur varið ansi stormasamt en hún hefur mörgum sinnum vísað honum á dyr og hann hefur meðal annars hótað fyrrverandi kærasta hennar með barsmíðum. 

Við vonum að barni og foreldrum heilsist vel og að allt muni ganga eins og í sögu hjá litlu fjölskyldunni.