Síða sem kemur í veg fyrir vandræðalegar uppákomur með foreldrum þínum

Óttastu ekkert meira í lífinu en að þurfa að sitja fyrir framan sjónvarpið og horfa á kynlífssenu með foreldrum þínum? Þá gæti vefsíðan Cringe Movie Database verið lausnin fyrir þig. Þessi síða sækir innblástur í Internet Movie Database og gerir notendum sínum kleift að finna myndir sem þeim er óhætt að horfa á með foreldrum sínum.

Á síðunni er myndirnar annað hvort flokkaðar sem foreldravænar eða ávísun á óþægilegar aðstæður. Eina sem notendurnir þurfa að gera er að leita að heiti mynda, sem komu út á tímabilinu 1995 til 2015, og niðurstaðan er ljós innan nokkurra sekúndna.

Ef leitað er til að mynda að myndum leikstjórans Baltasars Kormáks á borð við Contraband og 2 Guns þá kemur í ljós að það er óhætt að horfa á Contraband með foreldrum sínum en ekki 2 Guns.