Beyonce sendi frá sér dularfulla stiklu og fólk er að missa vitið

Söngkonan Beyonce sendi í dag frá sér örstutta stiklu fyrir nýjasta sköpunarverk hennar, Lemonade eða Límonaði. Mikil dulúð hvílir yfir verkinu og vita fáir í raun um hvurslags gjörning er að ræða.

Í myndbandi sem Beyonce deilir með aðdáendum sínum má sjá hana reisa höfuðið og spyrja sig hvað hún eigi að gera.

Því næst bregður fyrir nafni verksins, Lemonade, og að lokum tilkynning um að það verði afhjúpað á sjónvarpsstöðinni HBO næstkomandi laugardag.

Nú þegar hafa rúmlega 200 þúsund manns lækað myndbandið á Instagram-síðu söngkonunnar og þúsundir hafa spurt sig hvað þeir kunni að eiga í vændum.

Margir hafa reynt að lesa eitthvað úr klæðaburði söngkonunnar en það þykir svipa til holningarinnar sem hún skartaði í myndbandinu við lagið Formation.

Það myndband kom eins og skrattinn úr sauðaleggnum í febrúar síðastliðnum og þá ætlaði allt um koll að keyra.

Þó svo að enginn viti hvað henni gengur til Beyonce hefur hún í það minnsta ákveðið að gefa aðdáendum sínum smá viðvörun í þetta skiptið.

Stikluna má sjá hér að neðan.

#LEMONADE 4.23 9PM ET | HBO

A video posted by Beyoncé (@beyonce) on Apr 16, 2016 at 9:00am PDT