Fæddist í röngum líkama: Segist vera köttur

Nano, tvítug norsk kona, heldur því fram að hún hafi fæðst í röngum líkama og sé í raun köttur. Hún heldur því fram að skilningarvit hennar séu jafn öflug og hjá köttum og þá á hún við heyrn sína og sjón.

Hún kom fram í viðtali við NRK 3 og hafa nú þegar mörg hundruð þúsund manns horft á viðtalið á YouTube.

„Ég fattaði að ég væri köttur þegar ég var 16 ára en þá hafði ég farið í margar rannsóknir,“ segir Nano.

„Ég mun líklega lifa sem köttur það sem eftir er af ævi minni,“ segir hún en viðtalið við hana má sjá hér að neðan.