Seldu hvað sem er, hvenær sem er

KYNNING - Með miniPos sölukerfinu getur hver sá sem þarf að selja vörur eða þjónustu gert það hvar og hvenær sem er, svo lengi sem hann er með tölvu og nettengingu. „Þeir viðskiptavinir sem notast við kerfið okkar daglega hafa haft orð á því hversu einfalt, hraðvirkt og þægilegt kerfið er og hversu gott sé að hafa rauntímayfirsýn yfir sölu og hvernig hún skiptist á milli flokka,“ segir Jóhanna Sofía Karlsdóttir, verkefnastjóri SmartMedia.

„Við teljum að það sé einmitt mjög mikilvægt fyrir þá sem standa í rekstri að vita hvað það er sem þeir eru að selja en því upplýstara sem fólk er um eigin rekstur því betri og meðvitaðri ákvarðanir getur það tekið um framtíðina.“

miniPos sölukerfið hentar öllum

Sölukerfið hentar öllum sem selja vörur eða þjónustu, gefa út reikninga og þurfa að hafa yfirsýn yfir reksturinn. Kerfið hentar einyrkjum sem og stórum verslunum og heildsölum og öllu þar á milli. „Við erum einmitt líka með heildsölufídus í kerfinu okkar,“ segir Jóhanna.

Umhverfisvænt kerfi

Sölukerfið er byggt upp þannig að það er hýst í „skýjunum“ og hægt er að senda reikninga til viðskiptavina á tölvupósti og einnig rafrænt í innheimtu til bankans sem gerir kerfið einstaklega umhverfisvænt. „Að útbúa reikning eða kreditfæra reikning hefur líklega aldrei verið einfaldara en í sölukerfinu okkar og leggjum við mikið upp úr því að hver sem er geti notað þessa lausn fyrirhafnarlaust.“

Sölukerfið er byggt og þróað ofan á netverslunarkerfið frá Smartmedia sem gerir það kleift að vinna bara á einum grunni en hingað til hefur þurft tengingar á milli kerfa með tilheyrandi kostnaði.

Ódýr lausn

Það er alls ekki mikil fjárfesting að byrja að nota miniPos kerfið, það eina sem þarf er fartölva, þess vegna gömul, og nettenging. „Þeir sem eru með verslun myndu bæta við strikamerkja­skanna, peningaskúffu og prentara. Grunnlausnin okkar er byggð upp á mánaðargjöldum og það er engin binding innifalin í því og hægt er að hætta þannig séð hvenær sem er,“ útskýrir Jóhanna.

Er þetta bókhaldskerfi?

„Kerfið er fyrst og fremst sölukerfi og er þar af leiðandi ekki dæmigert bókhaldskerfi. Aftur á móti geta þeir sem eru með bókara eða endurskoðanda til að vinna þessa vinnu fyrir sig tekið alla söluna úr kerfinu en þá getur bókarinn keyrt þær upplýsingar inn í sitt bókhaldskerfi. Fyrir þá sem vilja að kerfið tali við annað fjárhagskerfi eins og Navision og dk, þá getum við tengst þeim kerfum og fleirum í þessum geira og þannig gert allt upplýsingaflæði sjálfvirkt á milli kerfa,“ segir Jóhanna.

Nánari upplýsingar má finna á minipos.is