Fyrsti rafmagnsbíll Audi fær nafnið E-Tron

Audi framleiðir nokkrar gerðir tengiltvinnbíla, svo sem A3 E-Tron, Q7 E-Tron og R8 E-tron. Þessir bílar ganga bæði fyrir rafmagni og brunavélum, en nú er Audi að smíða sinn fyrsta hreinræktaða rafmagnsbíl og hvaða nafn skildi sá bíll fá? Jú, hann verður einfaldlega kallaður Audi E-Tron og fær því enga tölustafi líkt og aðrir bílar frá þýska lúxusbílaframleiðandanum.

Þessi rafmagnsbíll fellur í flokk jepplinga, en á teikniborði Audi er einnig minni gerð borgarbíls og stærri fólksbíll sem knúnir verða rafmagni eingöngu. Von er á þeim bílum við lok þessa áratugar, en jepplingurinn kemur á markað mun fyrr. Allir eru þessir bílar með drægni á bilinu 350 til 450 kílómetrar.

Forstjóri Audi skýrði hið einfalda nafn Audi E-Tron út á þann veg að hann markaði jafn mikil tímamót fyrir Audi og Audi Quattro bíllinn gerði á sínum tíma og einfalt nafn hans án tölustafa væri hugsað á sama veg.