Íslenskir jakkar með dönsku ívafi

Íslenska útivistarmerkið 66°Norður og danska tískumerkið Soulland  hafa tekið höndum saman og útbúið fjóra jakka sem verða frumsýndir þann 22.september í verslun Harvey Nichols í London.

Jakkarnir eru byggðir á klassískum jökkum útivistarmerkisins en með smáatriðin frá danska tískumerkinu, sem er þekktast fyrir skyrtur og tískufatnað. 

Samstarfið verður frumsýnt á svipuðum tíma og tískuvikan er fer fram í London og því greinilegt að íslenska útivistarmerkið er með þessu að taka stórt stökk þá áttina. Síðasta samstarf Soulland var við Nike SB og seldust skórnir í þeirri línu upp á innan við sólarhring svo það verður forvitnilegt að fylgjast með hvernig íslensku jakkarnir munu leggjast í viðskiptavini. Jakkarnir koma til Íslands og verða til sölu í vel völdum verslunum 66°Norður. 

66°Norður hefur á stuttum tíma náð að hasla sér völl í Danmörku og hafa nú þegar opnað tvær vinsælar búðir í Kaupmannahöfn. Samstarfið við Soulland er liður í að fagna 90 ára afmæli merksins sem var stofnað árið 1926. 

Við munum fylgjast vel með þessu en hér fyrir neðan má sjá myndir frá verksmiðju 66°Norður þar sem jakkarnir eru einmitt framleiddir.