Glamour

Bein útsending: Tískusýning Geysis í Iðnó

Ritstjórn skrifar

Vertu á fremsta bekk með Glamour!

Íslenska fatamerkið Geysir frumsýnir glænýja haust - og vetrarlínu sína með pompi og pragt í Iðnó í kvöld en þetta er í fyrsta sinn sýning Geysis af þessu tagi. Sýningi verður í beinni hér á Glamour og hefst stundvíslega klukkan 20.30. 
Fatalínan verður svo komin í sölu í verslunum Geysis strax á morgun, laugardaginn 17. september. 
Yfirhönnuður Geysis er Erna Einarsdóttir er eitt helsta sérkenni líunnar er íslenska ullin. Erna nam við Gerrit Rietveld Akademíuna í Amsterdam og Central Saint Martins í London. Hún sneri aftur til Íslands og hóf störf hjá Geysi árið 2013 eftir stutt stopp í París hjá Saint Laurent þar sem hún starfaði undir Hedi Slimane. Vetrarfatalínan 2016 er önnur fatalína hennar fyrir Geysi.
Fatnaðurinn er innblásinn af íslensku konunni og hennar daglega lífi í borginni, með sterkum skírskotunum í íslenska prjónahefð. Geysir hefur alla tíð lagt áherslu á gæði og með nýju fatalínunni blandast hágæðaefni líkt og móher, silki, alpaca og hör fallega innan um íslensku ullina. Á sama tíma og Erna leitar í íslenska fatahefð er fatnaðurinn hannaður með nútíma konu í huga.

Watch live video from geysir_2016 on www.twitch.tv

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.