Glamour

Býr frítt í 350 milljón króna íbúð í New York

Kim og Kanye
Kim og Kanye GLAMOUR/GETTY
Kim Kardashian og fjölskylda hafa kvatt Los Angeles í bili og eru flutt tímabundið til New York. Þau búa að sjálfsögðu við allra bestu skilyrði og það án greiðslu í boði fyrirtækisins Airbnb. Íslendingar ættu nú að kannast við það fyrirtæki en það heldur úti leigusíðu sem hefur notið mikilla vinsælda hér á landi.

Íbúðin er metin á 350 milljónir króna og fyrir alla aðra en Kim kostar nóttin í íbúðinni rúma milljón. Í íbúðinni eru fimm svefnherbergi og sex baðherberg og ætti því að fara nokkuð vel um Kim, Kanye og börn. Þau ættu líka að geta fengið sitt næði því það eru sjö stórar einkasvalir og einkasundlaug á þakinu.

Kim tók sig til fyrir VMA´s verðlauna afhendinguna á sunnudaginn í íbúðinni og deildi með snapchat fylgjendum sínum þakklæti sínu á glæsilega snyrtiherberginu sem Airbnb hafði útbúið handa henni.
glamour/skjáskot
glamour/skjáskot
glamour/skjáskot
Kim slappar af í nýju íbúðinni.glamour/skjáskot





×