Stóra myndin Frosti Logason skrifar 14. júlí 2016 07:00 Þegar stjörnufræðingarnir Galíleó og Kópernikus sannfærðust um sannleiksgildi sólmiðjukenningarinnar voru ekki margir sem tóku þá alvarlega. Nú á dögum eigum við einnig marga andans menn sem fávísan lýðinn skortir vitsmuni til þess að skilja. Sumir þessara framsæknu hugsuða hafa til dæmis reynt að benda okkur á að í raun séu það alþjóðleg lyfjafyrirtæki sem framleiði sjúkdóma. Þau haldi líka aftur af þróun læknavísinda til þess að almenningur nái aldrei fullri heilsu. Öðruvísi geta þau ekki lengur grætt á því að selja okkur lyf. Við lokum augunum fyrir augljósum staðreyndum eins og þeirri að það sé fámennur hópur zíonískra frímúrara sem ákveður atburðarás heimsmála. Það gera þeir á árlegum fundi Bilderberg-samtakanna og almenningur hefur ekkert um örlög sín að segja. Menn hafa reynt að opna augu almennings fyrir því hvernig stjórnvöld stýra hugsunum okkar með eitrun vatnsbóla. Hvernig tunglendingarnar voru vel plottað leikrit og ljósmyndirnar þaðan ekki teknar í hundruð þúsund kílmetra fjarlægð frá jörðu heldur í myndveri í Hollywood. Bent hefur verið á að efsta lag þjóðfélagsins – þjóðhöfðingjar og leiðtogar – séu í raun og veru geimverur. Eðlukennd skriðdýr sem dulbúa sig sem manneskjur til þess að drottna yfir mannkyninu. Þið haldið þó ekki að tilviljun ein ráði því að merki Framsóknarflokksins sé eðlugrænt á lit? En sorglegast af öllu þessu er blinda fólks á hinn sjálfgefna sannleika um 11. september. Auðvitað var það heimatilbúin árás fyrirskipuð af ríkisstjórn George W Bush. Kynnið ykkur þetta bara. Þetta er allt á Youtube.Þessi grein birtist upphaflega í Fréttablaðinu. Viltu birta grein á Vísi? Sendu okkur póst. Senda grein Frosti Logason Mest lesið Loksins fær þyrlan heimili fyrir norðan Njáll Trausti Friðbertsson Skoðun Opið bréf til stjórnvalda Elín Ýr Arnar Hafdísardóttir Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun Við skuldum þeim að hlusta Ólafur Adolfsson Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun Daði Már týnir sjálfum sér Heiðrún Lind Marteinsdóttir Skoðun Huglæg réttlætiskennd og skattar á verðmætasköpun Kristinn Karl Brynjarsson Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun Ég á þetta ég má þetta Arnar Atlason Skoðun
Þegar stjörnufræðingarnir Galíleó og Kópernikus sannfærðust um sannleiksgildi sólmiðjukenningarinnar voru ekki margir sem tóku þá alvarlega. Nú á dögum eigum við einnig marga andans menn sem fávísan lýðinn skortir vitsmuni til þess að skilja. Sumir þessara framsæknu hugsuða hafa til dæmis reynt að benda okkur á að í raun séu það alþjóðleg lyfjafyrirtæki sem framleiði sjúkdóma. Þau haldi líka aftur af þróun læknavísinda til þess að almenningur nái aldrei fullri heilsu. Öðruvísi geta þau ekki lengur grætt á því að selja okkur lyf. Við lokum augunum fyrir augljósum staðreyndum eins og þeirri að það sé fámennur hópur zíonískra frímúrara sem ákveður atburðarás heimsmála. Það gera þeir á árlegum fundi Bilderberg-samtakanna og almenningur hefur ekkert um örlög sín að segja. Menn hafa reynt að opna augu almennings fyrir því hvernig stjórnvöld stýra hugsunum okkar með eitrun vatnsbóla. Hvernig tunglendingarnar voru vel plottað leikrit og ljósmyndirnar þaðan ekki teknar í hundruð þúsund kílmetra fjarlægð frá jörðu heldur í myndveri í Hollywood. Bent hefur verið á að efsta lag þjóðfélagsins – þjóðhöfðingjar og leiðtogar – séu í raun og veru geimverur. Eðlukennd skriðdýr sem dulbúa sig sem manneskjur til þess að drottna yfir mannkyninu. Þið haldið þó ekki að tilviljun ein ráði því að merki Framsóknarflokksins sé eðlugrænt á lit? En sorglegast af öllu þessu er blinda fólks á hinn sjálfgefna sannleika um 11. september. Auðvitað var það heimatilbúin árás fyrirskipuð af ríkisstjórn George W Bush. Kynnið ykkur þetta bara. Þetta er allt á Youtube.Þessi grein birtist upphaflega í Fréttablaðinu.
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun
Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun
Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun