Glamour

Yfirhönnuður Burberry lækkar um 75% í launum

Ritstjórn skrifar
Christopher Bailey lækkar töluvert mikið í launum.
Christopher Bailey lækkar töluvert mikið í launum. Myndir/Getty
Eftir að breska tískuhúsið Burberry tilkynnti dræmt gengi fyrirtækisins í byrjun árs hefur verið ráðist í aðgerðir til þess að minnka útgjöld og einfalda starfsemina. Partur af því er að yfirhönnuður og forstjóri Burberry, Christopher Bailey, verði lækkaður um 75% í launum eða úr 7.5 milljónum punda á ári niður í 1.9 milljónir. 

Þrátt fyrir þessa gífurlegu lækkun í launum er ekki hægt að segja að Christpher verði að flæðskeri staddur. Hans háu laun voru alltaf umdeild hjá hluthöfum fyrirtækisins og nú þegar það er að verða skýrara að rekstur Burberry hefur dalað frá því að hann tók við sem forstjóri þykir það vera næg ástæða til þess að ráðast í þessar aðgerðir. 

Christopher hefur starfað sem yfirhönnuður hjá Burberry frá árinu 2004 en hann bætti við forstjóra titlinum árið 2014. 






×