Breskar fyrirsætuskrifstofur sakaðar um verðsamráð

Fimm stærstu fyrirsætuskrifstofur Bretlands hafa verið sakaðar af samkeppniseftirlitinu þar í landi um að hafa verið með verðsamráð. Rannsókn á málinu er enn í gangi en samkeppniseftirlitið heldur því fram að skrifstofurnar hafi hækkað verðið á því að fá fyrirsæturnar sem eru á samningi hjá þeim til þess að sitja fyrir. 

Fyrirsætuskrifstofurnar sem um ræðir eru Storm Management, Models 1, Premier Model Management, Viva og FM Models. Þessar skrifstofur eru með margar af stærstu fyrirsætum heims starfandi fyrir sig. Þar er helst að nefna Jourdan Dunn, Behati Prinsloo, Doutzen Kroes, Alessandra Ambrosio. 

Kate Moss sagði upp samningi sínum við Storm Management fyrr á árinu og hóf að sjá um verkefnin sín sjálf.