Afi kemur í heimsókn Óttar Guðmundsson skrifar 9. apríl 2016 07:00 Ég er 32. í röð afkomenda Egils Skallagrímssonar í beinan legg. Fyrir nokkrum árum gaf ég út bókina Hetjur og hugarvíl um geðveiki í Íslendingasögum. Ég gerði hlut Egils sem stærstan enda er hann með langflestar geðgreiningar allra í sögunum (drykkjusýki, geðhvörf, mótþróafrekjuröskun, þráhyggja, siðblinda o.fl.). Einhverju sinni var ég spurður í sjónvarpsviðtali hvar Egill væri staddur í nútímanum hefði hann lifað. Ég sagði að hann væri sennilega gildur Framsóknarbóndi í sveit á kafi í sjálfhverfri eiginhagsmunagæslu. Hann hefði í lifanda lífi stundað alls kyns fjármálabrask og m.a. komið peningunum sínum undan í öruggt skattaskjól að Mosfelli. Þessi orð fóru illa í marga. Þekkt Framsóknarkona hringdi og átaldi mig fyrir að láta að því liggja að fjármálaspilling þrifist kringum Framsóknarflokkinn. Allir vissu að svo væri ekki. Afkomendur Egils höfðu líka samband og voru mér reiðir fyrir að orða kallinn við Framsókn. Hann hefði verið maður hins frjálsa framtaks bæði í drápum og fjármálavafstri svo að hann hefði örugglega verið í Sjálfstæðisflokknum. Á dögunum dreymdi mig Egil afa minn. Hann stóð yfir mér þungbrýnn og reiður á svip og fór með þessa vísu: Seint mun kvinnan Sigmundar segja allt af létta, farinn er ég úr Framsóknar- flokknum eftir þetta. Hann gekk snúðugt að dyrunum og sagði: „Nú er ég genginn í Sjálfstæðisflokkinn. Það er nefnilega allt annað að eiga fé í skattaskjóli að Mosfelli en á Tortólaeyjum.“ Viltu birta grein á Vísi? Sendu okkur póst. Senda grein Óttar Guðmundsson Mest lesið „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun Halldór 24.05.2025 Halldór Heiðmörk: Gaddavír og girðingar Auður Kjartansdóttir Skoðun Vér erum úr sömu sveit Steinþór Logi Arnarsson Skoðun Hamas og átökin við Ísrael – hvað er ekki sagt upphátt? Einar G Harðarson Skoðun Réttlát leiðrétting veiðigjalda Elín Íris Fanndal Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun Sósíalistaflokkurinn kaus breytingar Karl Héðinn Kristjánsson Skoðun Stéttarkerfi Halldóra Lillý Jóhannsdóttir Skoðun
Ég er 32. í röð afkomenda Egils Skallagrímssonar í beinan legg. Fyrir nokkrum árum gaf ég út bókina Hetjur og hugarvíl um geðveiki í Íslendingasögum. Ég gerði hlut Egils sem stærstan enda er hann með langflestar geðgreiningar allra í sögunum (drykkjusýki, geðhvörf, mótþróafrekjuröskun, þráhyggja, siðblinda o.fl.). Einhverju sinni var ég spurður í sjónvarpsviðtali hvar Egill væri staddur í nútímanum hefði hann lifað. Ég sagði að hann væri sennilega gildur Framsóknarbóndi í sveit á kafi í sjálfhverfri eiginhagsmunagæslu. Hann hefði í lifanda lífi stundað alls kyns fjármálabrask og m.a. komið peningunum sínum undan í öruggt skattaskjól að Mosfelli. Þessi orð fóru illa í marga. Þekkt Framsóknarkona hringdi og átaldi mig fyrir að láta að því liggja að fjármálaspilling þrifist kringum Framsóknarflokkinn. Allir vissu að svo væri ekki. Afkomendur Egils höfðu líka samband og voru mér reiðir fyrir að orða kallinn við Framsókn. Hann hefði verið maður hins frjálsa framtaks bæði í drápum og fjármálavafstri svo að hann hefði örugglega verið í Sjálfstæðisflokknum. Á dögunum dreymdi mig Egil afa minn. Hann stóð yfir mér þungbrýnn og reiður á svip og fór með þessa vísu: Seint mun kvinnan Sigmundar segja allt af létta, farinn er ég úr Framsóknar- flokknum eftir þetta. Hann gekk snúðugt að dyrunum og sagði: „Nú er ég genginn í Sjálfstæðisflokkinn. Það er nefnilega allt annað að eiga fé í skattaskjóli að Mosfelli en á Tortólaeyjum.“
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun