Tísti um ómennska gyðinga og svægi Hitlers

Líkt og áður hefur komið fram á Vísi í dag þá neyddist Microsoft til að eyða stórum hluta tísta frá Twitter-„botta“ sem fyrirtækið skapaði eftir að uppfinningin sendi frá sér fjölda rasískra ummæla.

TayTweets var hugsað sem einföld gervigreindarvél sem gæti átt í samræðum við notendur samskiptamiðilsins. Hún átti meðal annars að geta lesið í emoji-tákn, brugðist við myndum og texta notenda.

Netið gleymir ekki svo auðveldlega og notendur sem áttu í samræðum við apparatið tóku skjáskot af allra verstu tístunum. Þeim var síðan hlaðið inn á Imgur og er hægt að skoða þau með því að smella hér.