Graður og spakur Jón Sigurður Eyjólfsson skrifar 15. mars 2016 07:00 Um leið og ég las orð Kára um að við værum að verða vitlausari varð mér hugsað til dæmisögu einnar, sem mér fannst líklegust til að útskýra þessa válegu þróun: Aldinn indíáni sagði eitt sinn við ungan dreng: Inni í sérhverjum manni eigast tveir ernir við. Annar gráðugur en hinn spakur. Drengurinn spurði þá: Og hvor vinnur? Nú, sá sem þú fóðrar, svaraði sá gamli. Mér datt náttúrlega í hug að spyrja Kára hvort inni í heila okkar mannanna væru kannski tveir ernir: annar graður en hinn spakur. Það sjá allir hvor étur hinn út á gaddinn. Við lifum nefnilega í þjóðfélagi þar sem ég þekki orðið betur botn og bobbinga Kim Kardashian en fjöllin við Bíldudal. Þó hef ég aldrei borið mig eftir því að sjá hana, en staldra vissulega við þegar hún verður á vegi mínum, enda kurteis maður. Eduarto Punset sagði að við karlmenn notum helmingi meira svæði í heilanum undir kynlíf heldur en kvenfólk. Það er þá væntanlega ekkert mikið eftir til afnota þegar bogadreginn barmurinn hennar Kim blasir við manni. Það væri allt í lagi ef það gerðist bara til hátíðabrigða en nú er svo komið að hún er alltaf fyrir augunum á manni og ekki skánar það þegar aðrar glæsipíur eru farnar að herma eftir henni. Maður er varla meira en hálfviti megnið af deginum. Þá liggur beinast við að spyrja Kára hvort ekki sé rétt að bregðast við þessu lúðaklámi með sama hætti og hann bregst við Bakkusi. Hafa þetta á viðeigandi stöðum en ekki í Bónus, blöðum og fréttavefjum. Gott er að menn finni bobbingana þegar að kynlífsathöfn er komið en það er óviðunandi að þeir séu látnir kitla kónginn daginn út og inn. Nóg er nú áreitið samt, ég tala nú ekki um nú þegar forsetinn er farinn að kitla annan hvern mann. Viltu birta grein á Vísi? Sendu okkur póst. Senda grein Birtist í Fréttablaðinu Jón Sigurður Eyjólfsson Mest lesið Svona getum komið í veg fyrir að Katrín vinni Björn B. Björnsson Skoðun Erum við að sjúkdómavæða hegðun og höfum við verið að innleiða aumingjagang inn í samfélagið okkar? Davíð Bergmann Skoðun Forsetinn minn Eygló Egilsdóttir Skoðun Höndlum MS saman Hjördís Ýrr Skúladóttir Skoðun Til varnar líffjölbreytileika Álfhildur Leifsdóttir,Hólmfríður Sigþórsdóttir Skoðun Hringborð hafs og eldis: Tækifæri til atvinnuuppbyggingar í haftengdri starfsemi Vöxtur fiskeldis á Íslandi Kjartan Ólafsson Skoðun Halla Tómasdóttir og Sólskinsdrengurinn Margrét Dagmar Ericsdóttir Skoðun Varðmenn valdsins Sandra B. Franks Skoðun Ég vil óumdeildan forseta Guðrún Jónsdóttir Skoðun Ég kýs femínista á Bessastaði Sigríður Ingibjörg Ingadóttir Skoðun
Um leið og ég las orð Kára um að við værum að verða vitlausari varð mér hugsað til dæmisögu einnar, sem mér fannst líklegust til að útskýra þessa válegu þróun: Aldinn indíáni sagði eitt sinn við ungan dreng: Inni í sérhverjum manni eigast tveir ernir við. Annar gráðugur en hinn spakur. Drengurinn spurði þá: Og hvor vinnur? Nú, sá sem þú fóðrar, svaraði sá gamli. Mér datt náttúrlega í hug að spyrja Kára hvort inni í heila okkar mannanna væru kannski tveir ernir: annar graður en hinn spakur. Það sjá allir hvor étur hinn út á gaddinn. Við lifum nefnilega í þjóðfélagi þar sem ég þekki orðið betur botn og bobbinga Kim Kardashian en fjöllin við Bíldudal. Þó hef ég aldrei borið mig eftir því að sjá hana, en staldra vissulega við þegar hún verður á vegi mínum, enda kurteis maður. Eduarto Punset sagði að við karlmenn notum helmingi meira svæði í heilanum undir kynlíf heldur en kvenfólk. Það er þá væntanlega ekkert mikið eftir til afnota þegar bogadreginn barmurinn hennar Kim blasir við manni. Það væri allt í lagi ef það gerðist bara til hátíðabrigða en nú er svo komið að hún er alltaf fyrir augunum á manni og ekki skánar það þegar aðrar glæsipíur eru farnar að herma eftir henni. Maður er varla meira en hálfviti megnið af deginum. Þá liggur beinast við að spyrja Kára hvort ekki sé rétt að bregðast við þessu lúðaklámi með sama hætti og hann bregst við Bakkusi. Hafa þetta á viðeigandi stöðum en ekki í Bónus, blöðum og fréttavefjum. Gott er að menn finni bobbingana þegar að kynlífsathöfn er komið en það er óviðunandi að þeir séu látnir kitla kónginn daginn út og inn. Nóg er nú áreitið samt, ég tala nú ekki um nú þegar forsetinn er farinn að kitla annan hvern mann.
Erum við að sjúkdómavæða hegðun og höfum við verið að innleiða aumingjagang inn í samfélagið okkar? Davíð Bergmann Skoðun
Hringborð hafs og eldis: Tækifæri til atvinnuuppbyggingar í haftengdri starfsemi Vöxtur fiskeldis á Íslandi Kjartan Ólafsson Skoðun
Erum við að sjúkdómavæða hegðun og höfum við verið að innleiða aumingjagang inn í samfélagið okkar? Davíð Bergmann Skoðun
Hringborð hafs og eldis: Tækifæri til atvinnuuppbyggingar í haftengdri starfsemi Vöxtur fiskeldis á Íslandi Kjartan Ólafsson Skoðun