Frosti og Vincent á leiðinni í sólina saman: Peningarnir rétt ókomnir

Frosti Logason og Vincent Johnson hafa verið í töluverðum samskiptum undanfarið en sá síðarnefndi lofaði útvarpsmanninum tugmilljóna króna greiðslum í símtali þeirra á milli á föstudaginn. Símtalið var spilað í útvarpsþættinum Harmageddon fyrir athygli og hefur vakið mikla athygli.

Frosti heyrði aftur í viðskiptafélaga sínum í dag en Vincent hefur gefið sig út fyrir að vera lögfræðingur en Frosti var vel meðvitaður um að þarna væri líklega á ferðinni svindlari, oft kallaðir Nígeríusvindlarar, þar sem reynt er að hafa fé af fólki með loforði um að þau fái risafjárhæðir í nánustu framtíð.

Sjá einnig: KOSTULEGT SAMTAL FROSTA VIÐ NÍGERÍUSVINDLARA SEM LOFAR HONUM MILLJÓNUM KRÓNA

Í dag sagði Vincent að dóttir hans væri alvarlega veik og hún væri í öndunarvél. Frosti lofaði honum nýjan síma þar sem varla er hægt að tala við Vincent þar sem hann rekst alltaf í takkana á símanum og því heyrist illa í honum. Þegar Frosti fær peningana sína ætlar hann að kaupa glænýjan iPhone 6 handa félaga sínum.

Samtalið var vægast sagt fyndið og má hlusta á það hér að neðan. Fróðlegt verður að fylgjast með samskiptum Frosta og Vincent á næstu dögum en sá síðarnefndi hefur í fórum sér vinnusímanúmer Frosta. Vincent og Frosti eru á leiðinni saman á sólarströnd, um leið og peningarnir eru komnir í þeirra hendur.