Tyra Banks birti mynd af sér og syni sínum

„Ég hef aldrei áður verið eins hamingjusöm á Valentínusardeginum,“ segir Bandaríska fyrirsætan Tyra Banks, sem birti mynd af sér og nýfæddum syni sínum á Instagram í gær.

Hún eignaðist drenginn í síðasta mánuði með Norðmanninum Erik Asla. Parið eignaðist soninn með aðstoð staðgöngumóður en hann hefur fengið nafnið York Banks Asla.

Síðla síðasta sumars ræddi Banks opinskátt um þá ófrjósemi sem hún hafi glímt við og hvernig saklausar spurningar fólks um barneignir hafi reynst henni gríðarlega erfiðar.

„Ég gerði mér aldrei grein fyrir því hversu erfitt þetta er fyrr en ég fór að tala um þetta. Ég trúi ekki hversu margir tengja við það sem ég er að ganga í gegnum,“ sagði Banks í langri stöðufærslu á Facebook-síðu sinni.

This is the Happiest Valentine's Day of my life. York, Daddy @erikasla and I send you so much love.

A photo posted by Tyra Banks (@tyrabanks) on Feb 14, 2016 at 1:18pm PST