Jamie Foxx bjargaði manni út úr brennandi bíl - Myndband

Leikarinn og Óskarsverðlaunahafinn Jamie Foxx bjargaði manni út úr brennandi bíl í gær. Brett Kyle missti stjórn á bíl sínum sem endaði mér því að hann keyrði útaf og fór nokkrar veltur. Kyle var undir áhrifum áfengis en slysið átti sér stað í Hidden Valley í Kaliforníu.

Foxx varð vitni af slysinu og hringdi strax í neyðarlínuna. Því næst hljóp hann að bílnum sem var þá í ljósum logum. Leikarinn braut upp rúðu á bílnum ásamt öðru vitni og náðu þeir að skera bílbeltið í sundur og ná manninum út, en Kyle var þá meðvitundarlaus.

„Ég er enginn hetja, en ég varð að gera eitthvað,“ sagði Foxx við fjölmiðla vestanhafs en maðurinn keyrði útaf rétt við heimili Foxx. 

Kyle var handtekinn fyrir að keyra undir áhrifum áfengis en hann hlaut nokkuð alvarleg höfuðmeiðsli og dvelur hann nú á sjúkrahúsi. Hér að neðna má sjá viðtal við Jamie Foxx eftir atvikið. 

Watch: Jamie Foxx @iamjamiefoxx has saved a man from a burning car outside his house https://t.co/WwhYIQrAgF https://t.co/RaUkf6Ns5W

— Sky News (@SkyNews) January 20, 2016