Áhorfandi varð þjóðþekktur í kjölfar kostulegra viðbragða

Hin liðlega tvítugi Josh Saunders er orðinn þjóðþekktur í heimalandinu eftir að stikla fyrir nýja þáttaröð áströlsku Got Talent-þáttanna fór í birtingu á dögunum.

Stiklan er tiltölulega einföld, 30 sekúndur af viðbrögðum áhorfenda þar sem fyrrnefndur Saunders er í forgrunni – og það ekki að ástæðulausu.

Viðbrögð hans eru hreint kostuleg og ekki annað að sjá en að eitthvert þeirra atriða sem reyndi fyrir sér í áströlsku hæfileikakeppninni sé stórbrotið.

Um hálf milljón manna hefur nú horft á viðbrögð Saunders sem segir það vera mikinn heiður að vera í forgrunni auglýsingar fyrir jafn vinsæla þætti.

Auglýsinguna má sjá hér að neðan.