Lífið

Þessi verður arftaki Pamelu Anderson í Strandvörðum

Atli Ísleifsson skrifar
Kelly og The Rock.
Kelly og The Rock.
Bandaríski kvikmyndaframleiðandinn Paramount hefur tilkynnt að fyrirsætan og leikkonan Kelly Rohrbach muni fara með hlutverk CJ Parker í nýju myndinni um Strandverði, eða Baywatch.

Rohrbach fetar þar með í spor Pamelu Anderson sem gerði meðal annars garðinn frægan í hlutverki CJ, en Pamela lék í þáttunum á árunum 1992 til 1997.

Pamela Anderson í hlutverki CJ.
Áður hefur verið greint frá því að þeir Dwayne „The Rock“ Johnson og Zac Efron muni fara með hlutverk í myndinni sem leikstýrð verður af Seth Gordon. Þá hefur einnig spurst út að Alexandra Daddario fari með hlutverk Summer sem leikin var af Nicole Eggert á sínum tíma.

Fyrr í dag kom fram í fréttum að leikarinn Leonardo Di Caprio og Rohrbach hafi slitið sambandi sínu en þau höfðu verið saman um nokkurra mánaða skeið.

Tökur á nýju Baywatch-myndinni munu hefjast á næstu mánuðum.

The Rock birti fyrr í dag þrjú myndbönd á Instagram-síðu sinni þar sem hann kemur fram með Rohrbach. Sjá myndböndin að neðan.

For our #BAYWATCH and the iconic role of 'CJ Parker' I had to make sure @kellyrohrbach was... tough.

A video posted by therock (@therock) on



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.