Gríska hlutabréfavísitalan féll við opnun kauphallar Þórgnýr Einar Albertsson skrifar 4. ágúst 2015 07:00 Maður smellir mynd af miklu falli hlutabréfa í Grikklandi þegar kauphöllin í Aþenu var opnuð á ný eftir fimm vikna lokun. nordicphotos/afp Gríska hlutabréfavísitalan hríðféll þegar kauphöllin í Aþenu var opnuð í gær. Kauphöllin hafði verið lokuð undanfarnar fimm vikur frá því gjaldeyrishöftum var komið á þegar skuldakreppa ríkisins stóð sem hæst. Einungis nokkrum mínútum eftir að opnað var fyrir viðskipti féll vísitalan um 22,87 prósent. Þegar leið á daginn batnaði staðan þó örlítið en þegar lokað var fyrir viðskipti stóð lækkunin í 16,23 prósentum. Markaðsvirði stærstu banka Grikklands, Píreus-banka, Landsbankans, Alpha-banka og Euro-banka, lækkaði talsvert, eða um þrjátíu prósent. Meiri lækkun er ekki leyfileg. Til samanburðar við fall vísitölunnar í gær má nefna að mesta fall vísitölu á einum degi var fall hinnar bandarísku Dow Jones þann nítjánda október 1987, á hinum svokallaða svarta mánudegi. Þá féll Dow Jones um 22,61 prósent. Fall vísitölunnar var þó fyrirsjáanlegt. „Það eru engar líkur á að nokkur hlutabréf hækki á morgun,“ sagði fjárfestirinn Takis Zamanis við fréttastofu Reuters á sunnudaginn. Stjórnarformaður kauphallarinnar, Kostas Botopoulos, tjáði sig um opnun markaðarins við fjölmiðla í gær. „Það er mjög mikilvægt að við séum að opna. Auðvitað búumst við við erfiðu ástandi en við verðum á staðnum til að fylgjast með því sem fram fer,“ sagði hann. Auðvitað búumst við við miklu álagi. Markaðurinn mun bregðast við þessari löngu lokun. Við munum ekki láta einn dag slá okkur út af laginu. Við verðum að bíða til vikuloka til að sjá hvernig ástandið verður,“ sagði Botopoulos. Samkvæmt skilyrðum grísku ríkisstjórnarinnar og Seðlabanka Evrópu fyrir opnuninni máttu grískir fjárfestar ekki kaupa hlutabréf fyrir peninga af bankareikningum sínum, einungis reiðufé. Þau skilyrði eru í samræmi við höft á lausafjárúttektum grískra ríkisborgara, en einungis er heimilt að taka 420 evrur út úr bönkum á viku. Erlendir fjárfestar mega hins vegar fjárfesta fyrir það fé sem þeir eiga. Þegar kauphöllinni var lokað í lok júní óttuðust margir algjört gjaldþrot Grikklands og brotthvarf þess af evrusvæðinu. Nú eru hins vegar samningaviðræður í gangi um 86 milljarða evra neyðaraðstoð fyrir gríska ríkið frá Seðlabanka Evrópu og framkvæmdastjórn Evrópusambandsins. Ólíklegt þykir að Alþjóðagjaldeyrissjóðurinn taki þátt í neyðaraðstoðinni þar sem skilyrði sjóðsins er umfangsmikil niðurfelling hluta skulda Grikkja. Evrópusambandið er andvígt niðurfellingunni en Alþjóðagjaldeyrissjóðurinn segir hana nauðsynlega. Grikkland Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Hnífjöfn atkvæðagreiðsla sem gæti endað fyrir dómi Viðskipti innlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Base parking gjaldþrota Viðskipti innlent Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira
Gríska hlutabréfavísitalan hríðféll þegar kauphöllin í Aþenu var opnuð í gær. Kauphöllin hafði verið lokuð undanfarnar fimm vikur frá því gjaldeyrishöftum var komið á þegar skuldakreppa ríkisins stóð sem hæst. Einungis nokkrum mínútum eftir að opnað var fyrir viðskipti féll vísitalan um 22,87 prósent. Þegar leið á daginn batnaði staðan þó örlítið en þegar lokað var fyrir viðskipti stóð lækkunin í 16,23 prósentum. Markaðsvirði stærstu banka Grikklands, Píreus-banka, Landsbankans, Alpha-banka og Euro-banka, lækkaði talsvert, eða um þrjátíu prósent. Meiri lækkun er ekki leyfileg. Til samanburðar við fall vísitölunnar í gær má nefna að mesta fall vísitölu á einum degi var fall hinnar bandarísku Dow Jones þann nítjánda október 1987, á hinum svokallaða svarta mánudegi. Þá féll Dow Jones um 22,61 prósent. Fall vísitölunnar var þó fyrirsjáanlegt. „Það eru engar líkur á að nokkur hlutabréf hækki á morgun,“ sagði fjárfestirinn Takis Zamanis við fréttastofu Reuters á sunnudaginn. Stjórnarformaður kauphallarinnar, Kostas Botopoulos, tjáði sig um opnun markaðarins við fjölmiðla í gær. „Það er mjög mikilvægt að við séum að opna. Auðvitað búumst við við erfiðu ástandi en við verðum á staðnum til að fylgjast með því sem fram fer,“ sagði hann. Auðvitað búumst við við miklu álagi. Markaðurinn mun bregðast við þessari löngu lokun. Við munum ekki láta einn dag slá okkur út af laginu. Við verðum að bíða til vikuloka til að sjá hvernig ástandið verður,“ sagði Botopoulos. Samkvæmt skilyrðum grísku ríkisstjórnarinnar og Seðlabanka Evrópu fyrir opnuninni máttu grískir fjárfestar ekki kaupa hlutabréf fyrir peninga af bankareikningum sínum, einungis reiðufé. Þau skilyrði eru í samræmi við höft á lausafjárúttektum grískra ríkisborgara, en einungis er heimilt að taka 420 evrur út úr bönkum á viku. Erlendir fjárfestar mega hins vegar fjárfesta fyrir það fé sem þeir eiga. Þegar kauphöllinni var lokað í lok júní óttuðust margir algjört gjaldþrot Grikklands og brotthvarf þess af evrusvæðinu. Nú eru hins vegar samningaviðræður í gangi um 86 milljarða evra neyðaraðstoð fyrir gríska ríkið frá Seðlabanka Evrópu og framkvæmdastjórn Evrópusambandsins. Ólíklegt þykir að Alþjóðagjaldeyrissjóðurinn taki þátt í neyðaraðstoðinni þar sem skilyrði sjóðsins er umfangsmikil niðurfelling hluta skulda Grikkja. Evrópusambandið er andvígt niðurfellingunni en Alþjóðagjaldeyrissjóðurinn segir hana nauðsynlega.
Grikkland Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Hnífjöfn atkvæðagreiðsla sem gæti endað fyrir dómi Viðskipti innlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Base parking gjaldþrota Viðskipti innlent Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira