Endurgerði mæðginamyndir systur sinnar með ketti

Gordy Yates gæti verið samtímis besti og versti bróðir á jörðinni.

Þrátt fyrir að eiga tvíburasystur sem hann segir ætíð gefa sér góðar gjafir á hinum ýmsu tyllidögum hefur hann aldrei gefið henni neitt – fyrr en um daginn þegar þau fögnuðu 28 ára afmælum sínum. Þá endurgerði hann allar mæðginamyndir systur sinnar með ketti. 

„Tvíburasystir mín Meredith er frábær en ég er afleitur. Alltaf á afmælinu mínu gefur hún mér eitthvað svalt; stuttermabol, fyndna bók, eitthvað sem hún vildi losa sig við en gaf mér í staðinn og svo margt annað. Hvar sem ég hef búið hefur hún alltaf sent mér gjöf eða beðið með að gefa mér hana þangað til við hittumst næst,“ er haft eftir Gordy Yates. 

Hann lét ekki sitt eftir liggja í ár. Hann tók sig til og gaf henni eitthvað persónulegt og um leið glettilega fyndið.  Gordy tók sig til og endurgerði fjöldann allan af myndum af Meredith og barnungum syni hennar – með kettinum sínum. Afraksturinn má sjá hér að neðan.