Umfjöllun, viðtöl, einkunnir og myndir: FH - Keflavík 2-0 | Skiptingar Heimis gerðu gæfumuninn Eiríkur Stefán Ásgeirsson skrifar 10. maí 2015 00:01 Það var hasar í Hafnarfirði í kvöld. vísir/vilhelm FH er enn með fullt hús stiga í Pepsi-deild karla eftir sigur á Keflavík í kvöld. Þrátt fyrir góð færi var fyrri hálfleikur markalaus en leikurinn breyttist um miðbik síðari hálfleiks þegar Heimir Guðjónsson gerði tvöfalda skiptingu.Ernir Eyjólfsson tók myndirnar sem má sjá hér að ofan. Atli Viðar Björnsson var fljótur að setja mark sitt á leikinn eftir sendingu nafna síns Guðnasonar. Steven Lennon kórónaði svo góðan leik með því að skora annað mark FH, aftur eftir sendingu Atla Guðnasonar. Í upphafi stefndi í að FH-ingar myndu pakka gestunum frá Keflavík saman, slíkir voru yfirburðirnir. Hörður Sveinsson átti reyndar ágætt skot snemma leiks en eftir það tóku FH-ingar öll völd á vellinum. Pétur Viðarsson átti skalla í slá og Pétur og Guðmann Þórisson svo báðir marktilraunir sem var bjargað á línu. Keflvíkingar voru stálheppnir að sleppa lifandi frá þessu öllu saman. En eftir því sem leið á fyrri hálfleikinn náðu gestirnir að taka sig saman í andlitinu. Keflvíkingar náðu að setja ágæta pressu á FH-inga og áttu nokkrar ágætar marktilraunir. Þá bestu fékk Sigurbergur Elísson á silfurfati eftir afar vonda sendingu Péturs en Keflvíkingurinn hitti ekki markið. Atli Guðnason fékk svo gott færi undir lok fyrri hálfleiksins en bæði skotin hans í sömu sókninni voru varin. Síðari hálfleikur fór rólega af stað og snemma varð ljóst að breytinga var þörf, ekki síst hjá heimamönnum. Heimir gerði sér grein fyrir því og rétt eins og í leiknum gegn KR í fyrstu umferðinni sendi hann þá Bjarna Þór Viðarsson og Atla Viðar Björnsson inn á. Gegn KR borgaði skiptingin sig strax og það var einnig tilfellið í kvöld. Aðeins fimm mínútum eftir að Atli Viðar kom inn á var hann búinn að brjóta ísinn fyrir FH-inga eftir sendingu Atla Guðnasonar, sem hafði skipt um kant við Jeremy Serwy. Atli lagði svo aftur upp mark, í þetta sinn fyrir hinn kraftmikla Steven Lennon sem hefur verið afar sannfærandi í fyrstu tveimur leikjum FH á Íslandsmótinu. Lennon átti heilmikið eftir þegar hann fékk boltann frá Atla og kláraði færið afar vel. Eftir þetta var ljóst í hvað stefndi en það setti ljótan blett á leikinn að Insa Fransisco fékk að líta beint rautt spjald fyrir grófa tæklingu á Böðvari Böðvarssyni. FH-ingar gerðu mikinn aðsúg að varnarmanninum spænska og voru Keflvíkingar afar ósáttir við framgöngu þeirra. Þorkell Máni Pétursson var svo óánægður að Þóroddur Hjaltalín, dómari leiksins, rak hann upp í stúku. FH-ingar eru enn að venjast nýju leikkerfi Heimis Guðjónssonar sem hefur spilað með tvo framherja í upphafi Íslandsmótsins. Þeim gekk þó betur að skapa færi framan af í kvöld en gegn KR í fyrstu umferðinni og það hefði breytt miklu hefðu heimamenn nýtt að minnsta kosti eitt þeirra. Keflvíkingar komu sér inn í leikinn eftir slæma byrjun og hefðu sannarlega getað tekið forystuna sem hefði breytt miklu. Að því leyti geta þeir aðeins sjálfum sér um kennt en þeir réðu ekkert við FH-inga eftir að Atli Viðar og Bjarni Þór komu inn á. FH því með fullt hús stiga að loknum fyrstu tveimur umferðunum en Keflavík er enn stigalaust.Heimir: 4-4-2 gekk ekkert sérstaklega í kvöld Heimir Guðjónsson, þjálfari FH, er óviss um hvort að hann sé að stilla upp réttu byrjunarliði því í öðrum leiknum í röð gerðu varamenn hans gæfumuninn fyrir liðið. „Ætli það nokkuð. En mér fannst við í þessum leik byrja vel. Við náðum bara ekki að halda það út. Við vorum þó þolinmóðir og vel skipulagðir. Við spiluðum gegn mjög góðu Keflavíkurliði sem voru vel skipulagðir og settu okkur í alls konar vandræði,“ sagði Heimir. „Atli Viðar er gríðarlega mikilvægur í okkar liði og sýndi mikilvægi sitt í fyrstu umferðinni og aftur í kvöld.“ Hann segist ekki viss um hvort hann ætli að halda tryggð við 4-4-2 leikkerfið sem hann hefur notast við í upphafi Íslandsmótsins. „Mér fannst þetta ganga ekkert sérstaklega vel í kvöld. Keflavík var með ákveðnar lausnir sem við náðum ekki alveg að brjóta okkur út úr.“ FH fékk mörg færi í upphafi leiks og Heimir segir svekkjandi að hafa ekki nýtt þau. „Við vitum að Keflavík byrjar vel í sínum leikjum og við vorum tilbúnir að mæta því. Það hefði verið gott að skora snemma því við duttum aðeins niður og menn héldu að þetta yrði of auðvelt.“ Hann neitar því ekki að þetta sé draumabyrjun fyrir FH á Íslandsmótinu. „Sex stig. Það er ekki hægt að fá meira en það.“Lennon: Við erum enn að venjast nýju kerfi Steven Lennon skoraði síðara mark FH í kvöld og átti frábæran leik í sóknarlínu Hafnfirðinga. „Gott að skora fyrsta markið á tímabilinu. Það er alltaf erfiðast. En mikilvægast er að fá þrjú stig. Við vorum ekki upp á okkar besta í kvöld en skoruðum tvö mörk og fengum þrjú stig.“ Hann segir að leikmenn séu enn að venjast breyttu leikkerfi frá síðasta tímabili. „Án nokkurs vafa. Við erum að reyna ýmsilegt nýtt með nýjum andlitin. Það tekur tíma og aðalatriðið fyrsta mánuðinn er að safna stigum.“ „Vellirnir eru mjög slæmir á þessum tíma ársins og erfitt að spila alvöru fótbolta. Ég er bara ánægður að hafa unnið.“ Lennon var frábær í kvöld og spilaði einnig vel gegn KR í fyrstu umferðinni. Hann segist að þrátt fyrir allt hafi hann ekki átt gott undirbúningstímabil vegna meiðsla. „Það er gott að fá að spila í 90 mínútur og skora. Ég held að ég verði enn betri eftir því sem líður á tímabilið og að FH verði líka enn betra.“vísir/ernirKristján: Hegðun FH-inga til skammar | Máni fékk rautt Kristján Guðmundsson segir að hans menn í Keflavík hafi verið ósáttir við hegðun FH-inga eftir að varnarmaðurinn Insa Fransisco fékk rautt spjald fyrir brot á Böðvari Böðvarssyni. „Við vorum kannski ekki beint ósáttir við rauða spjaldið,“ sagði Kristján sem var dágóða stund í búningsklefa Keflavíkur áður en hann kom út og veitti fjölmiðlamönnum viðtal. „Ég hef lúmskan grun um að rauða spjaldið hafi verið réttur dómur. Við erum hins vegar nokkuð ósáttir við framkvæmdina á leiknum og það sem gerist eftir brotið,“ sagði hann en stuttu eftir að Insa fékk rautt var Þorkeli Mána Péturssyni, aðstoðarþjálfara Keflavíkur, rekinn upp í stúku. Kristján segir að bæði leikmenn og starfsmenn vallarins hafi gert aðsúg að leikmönnum Keflavíkur. „Það er til skammar,“ segir hann. Þjálfarinn segist ánægður með frammistöðu sinna manna í kvöld. „Við gáfum FH leik í 70 mínútur. Við fengum á okkur nokkuð mörg færi en sköpuðum okkur færi líka.“ „Við vissum að til þess að fá eitthvað úr leiknum yrðum við alltaf að skora, enda eru þeir það sterkir fram á við. Það var alveg klárt að það yrði erfitt að halda aftur af þeim þó svo að okkur tókst það í 70 mínútur.“ Kristján segist sjá miklar framfarir á leik sinna manna í kvöld eftir tapleikinn gegn Víkingi í fyrstu umferð. „Þetta var mörgum skrefum betra en í fyrsta leiknum. Það vantar enn Hólmar Örn og það verður gott að fá hann inn. Við fengum útlendingana líka of seint inn og það er að gera okkur erfitt fyrir.“vísir/ernirvísir/ernirvísir/ernirvísir/ernirvísir/ernirvísir/ernir Pepsi Max-deild karla Mest lesið Ronaldo hlustaði ekki á meðan aðrir vildu Ancelotti eða Zidane Enski boltinn Ekki léttvæg ákvörðun að hætta við bardagann Sport Ógnaði lögreglu með öxi stuttu frá stuðningsmannasvæði Hollendinga Fótbolti Holland lenti undir en varamaðurinn Wout Weghorst kom til bjargar Fótbolti Sjáðu fljótasta mark í sögu EM og endurkomu Ítalíu Fótbolti Neituðu launahækkun til að tryggja kvennalandsliðinu sömu laun Fótbolti Ronaldinho hættur að horfa á Brasilíu Fótbolti Utan vallar: Tuttugu ár frá besta EM allra tíma Fótbolti Yngsti þjálfari í sögu ensku úrvalsdeildarinnar Enski boltinn Segir England ekki eiga möguleika með Trent á miðjunni Fótbolti Fleiri fréttir Í beinni: Tindastóll-Víkingur | Fyrsti heimaleikurinn gegn nýliðunum Í beinni: Breiðablik-Þróttur | Taplaust topplið tekur á móti lánlausu botnliði Hundraðasta mark Söndru Maríu kom í Garðabænum Uppgjör: Stjarnan – Þór/KA 1-4 | Sandra María hættir ekki að skora „Það er erfitt að koma hingað og sækja stig“ Uppgjör: FH varði forskotið og tók öll stigin Stórskotalið var á blaðamannafundi Vals Frábær umgjörð hjá kvennaliði Fylkis Undanúrslit Mjólkurbikarsins: Arnar Grétarsson fer á fornar slóðir og bikarmeistararnir fá Stjörnuna „Einn sá besti sem KA hefur haft í sögunni” Njarðvíkingar tylla sér á topp Lengjudeildarinnar Markahæstur í sögu KA með hundrað mörk: „ Vonandi fer ég í 150” Leik lokið: KA - Fram 3-0 | KA í undanúrslit eftir hundraðasta mark Hallgríms Mar Uppgjörið, myndir og viðtöl: Víkingur - Fylkir 3-1 | Víkingur hreinlega kann ekki að detta úr bikarnum Dreymir um að dæma Evrópu- eða landsleiki Breiðablik og Valur með elstu liðin í Bestu deild karla „Ég er ekki stoltur af þessu“ Uppgjör: Þór Ak. - Stjarnan 0-1 | Róbert Frosti dró Stjörnuna í undanúrslit Hjartnæm stund í Árbænum: Gestirnir gáfu sektarsjóðinn er Fylkismenn minntust fallins félaga Uppgjörið, viðtöl og myndir: Breiðablik - Keflavík 5-2 | Blikar í undanúrslit „Hefði átt að setja þrjú þannig ég er bara ósátt með það“ „Við tökum vel á móti öllum sem vilja gera sér ferð norður“ „Ef þú skorar ekki þá áttu ekki skilið að vinna“ Dæmdur í bann fyrir að fleygja „fullum vatnsbrúsa í smettið á trommara“ Leik lokið: FH - Þór/KA 0-1 | Sandra María skoraði strax og tryggði sigur Uppgjör og viðtöl: Grindavík - Valur | Valskonur í undanúrslit eftir sex marka sigur Áfall fyrir botnlið Þróttar Óskar um nýja starfið hjá KR: „Ég er ekki ógn við Gregg Ryder“ Óskar Hrafn tekinn til starfa hjá KR Uppgjör: Keflavík - Valur 3-3 | Valur í undanúrslit eftir vítaspyrnukeppni Sjá meira
FH er enn með fullt hús stiga í Pepsi-deild karla eftir sigur á Keflavík í kvöld. Þrátt fyrir góð færi var fyrri hálfleikur markalaus en leikurinn breyttist um miðbik síðari hálfleiks þegar Heimir Guðjónsson gerði tvöfalda skiptingu.Ernir Eyjólfsson tók myndirnar sem má sjá hér að ofan. Atli Viðar Björnsson var fljótur að setja mark sitt á leikinn eftir sendingu nafna síns Guðnasonar. Steven Lennon kórónaði svo góðan leik með því að skora annað mark FH, aftur eftir sendingu Atla Guðnasonar. Í upphafi stefndi í að FH-ingar myndu pakka gestunum frá Keflavík saman, slíkir voru yfirburðirnir. Hörður Sveinsson átti reyndar ágætt skot snemma leiks en eftir það tóku FH-ingar öll völd á vellinum. Pétur Viðarsson átti skalla í slá og Pétur og Guðmann Þórisson svo báðir marktilraunir sem var bjargað á línu. Keflvíkingar voru stálheppnir að sleppa lifandi frá þessu öllu saman. En eftir því sem leið á fyrri hálfleikinn náðu gestirnir að taka sig saman í andlitinu. Keflvíkingar náðu að setja ágæta pressu á FH-inga og áttu nokkrar ágætar marktilraunir. Þá bestu fékk Sigurbergur Elísson á silfurfati eftir afar vonda sendingu Péturs en Keflvíkingurinn hitti ekki markið. Atli Guðnason fékk svo gott færi undir lok fyrri hálfleiksins en bæði skotin hans í sömu sókninni voru varin. Síðari hálfleikur fór rólega af stað og snemma varð ljóst að breytinga var þörf, ekki síst hjá heimamönnum. Heimir gerði sér grein fyrir því og rétt eins og í leiknum gegn KR í fyrstu umferðinni sendi hann þá Bjarna Þór Viðarsson og Atla Viðar Björnsson inn á. Gegn KR borgaði skiptingin sig strax og það var einnig tilfellið í kvöld. Aðeins fimm mínútum eftir að Atli Viðar kom inn á var hann búinn að brjóta ísinn fyrir FH-inga eftir sendingu Atla Guðnasonar, sem hafði skipt um kant við Jeremy Serwy. Atli lagði svo aftur upp mark, í þetta sinn fyrir hinn kraftmikla Steven Lennon sem hefur verið afar sannfærandi í fyrstu tveimur leikjum FH á Íslandsmótinu. Lennon átti heilmikið eftir þegar hann fékk boltann frá Atla og kláraði færið afar vel. Eftir þetta var ljóst í hvað stefndi en það setti ljótan blett á leikinn að Insa Fransisco fékk að líta beint rautt spjald fyrir grófa tæklingu á Böðvari Böðvarssyni. FH-ingar gerðu mikinn aðsúg að varnarmanninum spænska og voru Keflvíkingar afar ósáttir við framgöngu þeirra. Þorkell Máni Pétursson var svo óánægður að Þóroddur Hjaltalín, dómari leiksins, rak hann upp í stúku. FH-ingar eru enn að venjast nýju leikkerfi Heimis Guðjónssonar sem hefur spilað með tvo framherja í upphafi Íslandsmótsins. Þeim gekk þó betur að skapa færi framan af í kvöld en gegn KR í fyrstu umferðinni og það hefði breytt miklu hefðu heimamenn nýtt að minnsta kosti eitt þeirra. Keflvíkingar komu sér inn í leikinn eftir slæma byrjun og hefðu sannarlega getað tekið forystuna sem hefði breytt miklu. Að því leyti geta þeir aðeins sjálfum sér um kennt en þeir réðu ekkert við FH-inga eftir að Atli Viðar og Bjarni Þór komu inn á. FH því með fullt hús stiga að loknum fyrstu tveimur umferðunum en Keflavík er enn stigalaust.Heimir: 4-4-2 gekk ekkert sérstaklega í kvöld Heimir Guðjónsson, þjálfari FH, er óviss um hvort að hann sé að stilla upp réttu byrjunarliði því í öðrum leiknum í röð gerðu varamenn hans gæfumuninn fyrir liðið. „Ætli það nokkuð. En mér fannst við í þessum leik byrja vel. Við náðum bara ekki að halda það út. Við vorum þó þolinmóðir og vel skipulagðir. Við spiluðum gegn mjög góðu Keflavíkurliði sem voru vel skipulagðir og settu okkur í alls konar vandræði,“ sagði Heimir. „Atli Viðar er gríðarlega mikilvægur í okkar liði og sýndi mikilvægi sitt í fyrstu umferðinni og aftur í kvöld.“ Hann segist ekki viss um hvort hann ætli að halda tryggð við 4-4-2 leikkerfið sem hann hefur notast við í upphafi Íslandsmótsins. „Mér fannst þetta ganga ekkert sérstaklega vel í kvöld. Keflavík var með ákveðnar lausnir sem við náðum ekki alveg að brjóta okkur út úr.“ FH fékk mörg færi í upphafi leiks og Heimir segir svekkjandi að hafa ekki nýtt þau. „Við vitum að Keflavík byrjar vel í sínum leikjum og við vorum tilbúnir að mæta því. Það hefði verið gott að skora snemma því við duttum aðeins niður og menn héldu að þetta yrði of auðvelt.“ Hann neitar því ekki að þetta sé draumabyrjun fyrir FH á Íslandsmótinu. „Sex stig. Það er ekki hægt að fá meira en það.“Lennon: Við erum enn að venjast nýju kerfi Steven Lennon skoraði síðara mark FH í kvöld og átti frábæran leik í sóknarlínu Hafnfirðinga. „Gott að skora fyrsta markið á tímabilinu. Það er alltaf erfiðast. En mikilvægast er að fá þrjú stig. Við vorum ekki upp á okkar besta í kvöld en skoruðum tvö mörk og fengum þrjú stig.“ Hann segir að leikmenn séu enn að venjast breyttu leikkerfi frá síðasta tímabili. „Án nokkurs vafa. Við erum að reyna ýmsilegt nýtt með nýjum andlitin. Það tekur tíma og aðalatriðið fyrsta mánuðinn er að safna stigum.“ „Vellirnir eru mjög slæmir á þessum tíma ársins og erfitt að spila alvöru fótbolta. Ég er bara ánægður að hafa unnið.“ Lennon var frábær í kvöld og spilaði einnig vel gegn KR í fyrstu umferðinni. Hann segist að þrátt fyrir allt hafi hann ekki átt gott undirbúningstímabil vegna meiðsla. „Það er gott að fá að spila í 90 mínútur og skora. Ég held að ég verði enn betri eftir því sem líður á tímabilið og að FH verði líka enn betra.“vísir/ernirKristján: Hegðun FH-inga til skammar | Máni fékk rautt Kristján Guðmundsson segir að hans menn í Keflavík hafi verið ósáttir við hegðun FH-inga eftir að varnarmaðurinn Insa Fransisco fékk rautt spjald fyrir brot á Böðvari Böðvarssyni. „Við vorum kannski ekki beint ósáttir við rauða spjaldið,“ sagði Kristján sem var dágóða stund í búningsklefa Keflavíkur áður en hann kom út og veitti fjölmiðlamönnum viðtal. „Ég hef lúmskan grun um að rauða spjaldið hafi verið réttur dómur. Við erum hins vegar nokkuð ósáttir við framkvæmdina á leiknum og það sem gerist eftir brotið,“ sagði hann en stuttu eftir að Insa fékk rautt var Þorkeli Mána Péturssyni, aðstoðarþjálfara Keflavíkur, rekinn upp í stúku. Kristján segir að bæði leikmenn og starfsmenn vallarins hafi gert aðsúg að leikmönnum Keflavíkur. „Það er til skammar,“ segir hann. Þjálfarinn segist ánægður með frammistöðu sinna manna í kvöld. „Við gáfum FH leik í 70 mínútur. Við fengum á okkur nokkuð mörg færi en sköpuðum okkur færi líka.“ „Við vissum að til þess að fá eitthvað úr leiknum yrðum við alltaf að skora, enda eru þeir það sterkir fram á við. Það var alveg klárt að það yrði erfitt að halda aftur af þeim þó svo að okkur tókst það í 70 mínútur.“ Kristján segist sjá miklar framfarir á leik sinna manna í kvöld eftir tapleikinn gegn Víkingi í fyrstu umferð. „Þetta var mörgum skrefum betra en í fyrsta leiknum. Það vantar enn Hólmar Örn og það verður gott að fá hann inn. Við fengum útlendingana líka of seint inn og það er að gera okkur erfitt fyrir.“vísir/ernirvísir/ernirvísir/ernirvísir/ernirvísir/ernirvísir/ernir
Pepsi Max-deild karla Mest lesið Ronaldo hlustaði ekki á meðan aðrir vildu Ancelotti eða Zidane Enski boltinn Ekki léttvæg ákvörðun að hætta við bardagann Sport Ógnaði lögreglu með öxi stuttu frá stuðningsmannasvæði Hollendinga Fótbolti Holland lenti undir en varamaðurinn Wout Weghorst kom til bjargar Fótbolti Sjáðu fljótasta mark í sögu EM og endurkomu Ítalíu Fótbolti Neituðu launahækkun til að tryggja kvennalandsliðinu sömu laun Fótbolti Ronaldinho hættur að horfa á Brasilíu Fótbolti Utan vallar: Tuttugu ár frá besta EM allra tíma Fótbolti Yngsti þjálfari í sögu ensku úrvalsdeildarinnar Enski boltinn Segir England ekki eiga möguleika með Trent á miðjunni Fótbolti Fleiri fréttir Í beinni: Tindastóll-Víkingur | Fyrsti heimaleikurinn gegn nýliðunum Í beinni: Breiðablik-Þróttur | Taplaust topplið tekur á móti lánlausu botnliði Hundraðasta mark Söndru Maríu kom í Garðabænum Uppgjör: Stjarnan – Þór/KA 1-4 | Sandra María hættir ekki að skora „Það er erfitt að koma hingað og sækja stig“ Uppgjör: FH varði forskotið og tók öll stigin Stórskotalið var á blaðamannafundi Vals Frábær umgjörð hjá kvennaliði Fylkis Undanúrslit Mjólkurbikarsins: Arnar Grétarsson fer á fornar slóðir og bikarmeistararnir fá Stjörnuna „Einn sá besti sem KA hefur haft í sögunni” Njarðvíkingar tylla sér á topp Lengjudeildarinnar Markahæstur í sögu KA með hundrað mörk: „ Vonandi fer ég í 150” Leik lokið: KA - Fram 3-0 | KA í undanúrslit eftir hundraðasta mark Hallgríms Mar Uppgjörið, myndir og viðtöl: Víkingur - Fylkir 3-1 | Víkingur hreinlega kann ekki að detta úr bikarnum Dreymir um að dæma Evrópu- eða landsleiki Breiðablik og Valur með elstu liðin í Bestu deild karla „Ég er ekki stoltur af þessu“ Uppgjör: Þór Ak. - Stjarnan 0-1 | Róbert Frosti dró Stjörnuna í undanúrslit Hjartnæm stund í Árbænum: Gestirnir gáfu sektarsjóðinn er Fylkismenn minntust fallins félaga Uppgjörið, viðtöl og myndir: Breiðablik - Keflavík 5-2 | Blikar í undanúrslit „Hefði átt að setja þrjú þannig ég er bara ósátt með það“ „Við tökum vel á móti öllum sem vilja gera sér ferð norður“ „Ef þú skorar ekki þá áttu ekki skilið að vinna“ Dæmdur í bann fyrir að fleygja „fullum vatnsbrúsa í smettið á trommara“ Leik lokið: FH - Þór/KA 0-1 | Sandra María skoraði strax og tryggði sigur Uppgjör og viðtöl: Grindavík - Valur | Valskonur í undanúrslit eftir sex marka sigur Áfall fyrir botnlið Þróttar Óskar um nýja starfið hjá KR: „Ég er ekki ógn við Gregg Ryder“ Óskar Hrafn tekinn til starfa hjá KR Uppgjör: Keflavík - Valur 3-3 | Valur í undanúrslit eftir vítaspyrnukeppni Sjá meira
Undanúrslit Mjólkurbikarsins: Arnar Grétarsson fer á fornar slóðir og bikarmeistararnir fá Stjörnuna
Uppgjörið, myndir og viðtöl: Víkingur - Fylkir 3-1 | Víkingur hreinlega kann ekki að detta úr bikarnum