Telma Þormars auglýsir nærfatalínu Halle Berry

Íslenska fyrirsætan Telma Þormars er andlit nýrrar nærfatalínu bandarísku leikkonunnar Halle Berry. 

Um er að ræða samstarf franska nærfatamerkisins Scandale við dönsku verslanakeðjuna Ellos með leikkonuna Halle Berry í broddi fylkingar. Eins og kemur fram í sjónvarpsauglýsingunni hér fyrir neðan segir Berry að hún vilji að undirfatalínan endurspegli franska fegurð og kynþokka. 

Flott lína og Telma tekur sig einstaklega vel út í auglýsingunum fyrir línuna en herferðin var að fara í loftið út um allan heim. Hér er hægt að skoða alla línuna.

Telma sat einmitt fyrir á forsíðu júlítölublaðs Glamour og lesa má meira um hana hér.