Efna til styrktartónleika fyrir Juraj á Húrra

Landsþekktir tónlistarmenn hafa efnt til minningartónleika á Húrra í Reykjavík í kvöld fyrir slóvakíska blaðamanninn JurajKušnierik sem lést síðastliðinn föstudag á Landspítalanum. Juraj var einn áhrifamesti tónlistarblaðamaður Slóvakíu en hann var staddur hér á landi til að fjalla um IcelandicAirwaves tónlistarhátíðina.

Hann fékk hjartaáfall sunnudaginn 8. nóvember síðastliðinn, sem var síðasti dagur Airwaves-hátíðarinnar og var í kjölfarið fluttur á Landspítalann þar sem hann lést síðastliðinn föstudag.

Juraj var einstakur áhugamaður um íslenskt tónlistarlíf og myndaði sterk vinabönd við fjölda íslenskra tónlistarmanna sem hafa efnt til minningartónleikanna sem hefjast klukkan 20 í kvöld. Aðgangseyri er 2000 krónur og rennur hann óskiptur til fjölskyldu hans.