Glamour

Förðunin á tískuvikunni í New York: Sunnudagur

Ritstjórn skrifar
Victoria Beckham
Victoria Beckham Glamour/getty

Tískuvikan er í fullum gangi í New York. Á sunnudag sýndu meðal annarrra Victoria Beckham, Derek Lam, Diane Von Furstenberg og Prabal Gurung.

Förðunin hjá Victoriu Beckham var í sérstöku uppáhaldi hjá ritstjórn Glamour. Nude eða mattar appelsínurauðar varir, falleg húð, þykkar augabrúnir og settlegt highlight í augnkrókunum setti punktinn yfir i-ið.

Diane Von Furstenberg

Förðunin hjá Diane Von Furstenberg var því miður ekki í eins miklu uppáhaldi. Förðunarmeistarinn Pat McGrath valdi bláan og grænan augnskugga með metal-áferð sem urðu aðeins of mikið með krulluðu hárinu og blómahárskrautinu. Okkur dauðlangar samt í varalitinn!

Thakoon

Förðunin hjá Thakoon er með þeim betri sem við höfum séð á síðustu sýningum. Húðin alveg fullkomin, augabrúnirnar passlega miklar og svo gerir hvíti augnblýanturinn í vatnslínunni mjög mikið, án þess að vera of.

Jenny Packham

Túrkísblár augnskuggi og rauður varalitur er alltaf vafasöm blanda, líkt og sást síðast á pöllunum hjá Céline fyrir haustið 2015. Það var heldur ekki að slá í gegn á sýningu Jenny Packham á sunnudag.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.