Nú er tími fyrir rúskinn!

Nú er haustið á næsta leyti og eitt af heitustu tískubólum fyrir haustið er efnið rúskinn. Það byrjaði að sjást á tískupöllunum fyrir sumarið og heldur áfram í haustinu. 

Tískuhús og hönnuðir á borð við Gucci, Maison Martin Margiela, Pucci, Fendi og Saint Laurent voru hrifin af efninu góða í fatnaði sem og fylgihlutum eins og skóm og töskum. 

Stjörnurnar hafa einnig tekið rúskinninu opnum örmum en efnið sem helst má sjá í ljósbrúnum lit fer vel við gallaefni og leður.

Glamour tók saman nokkur fögur klæði í rúskinni beint af tískupöllunum og frá götustíl stjarnana.  

Fylgstu með Glamour á Instagram og á Facebook.