50 til 60 laxa dagar í Ytri Rangá Karl Lúðvíksson skrifar 16. júlí 2015 10:00 Erlendur veiðimaður með stórlax úr Ægissíðufossi Mynd: Þorsteinn Stefánsson Veiðin í Ytri Rangá hefur farið vel af stað í sumar og hlutfall stórlaxa er alltaf að aukast í ánni. Ytri Rangá er frekar þekkt fyrir að fara í gang þegar líður á júlí en það hefur heldur betur breyst á þessu ári en opnun hennar var sú besta frá upphafi og veiðin hefur hægt og rólega legið upp á við. Það sem hefur glatt veiðimenn og umsjónarmenn Ytri Rangár er sífellt hærra hlutfall stórlaxa í ánni en mikið af laxi 80-90 sm hefur veiðst og flestir af þeim verið settir í klakkistur þar sem þeir verða notaðir til undaneldis en það hefur gefið góða raun að ala undan snemmgengnum stórlaxi t.d. í Eystri Rangá. Nú er svo komið að dagleg veiði í ánni liggur á 50-60 löxum og þessi tala á bara eftir að hækka á næstunni en þrátt fyrir að göngurnar í hana hafi verið góðar koma stærstu göngurnar yfirleitt eftir seinni hlutann í júlí en þá verður veiðin í henni líka alveg ótrúlega góð. Smálaxagöngurnar eru aðeins farnar að láta sjá sig en þeir sem eiga daga á næstunni geta alveg farið að hlakka til því þegar þær mæta er, eins og alltaf, gaman á bökkum Ytri Rangár. Samkvæmt nýjum tölum frá Landssambandi Veiðifélaga er áin komin í 502 laxa. Mest lesið Áhrif jakaflóða á laxveiðiár Veiði Veiði er hafin í Elliðavatni Veiði Formaður SVFR: Ljóst að Norðurá verður boðin út í vetur Veiði 90 laxa holl í Laxá í Dölum Veiði Veiði í Þingvallavatni hefst tíu dögum fyrr Veiði Sjóbirtingurinn er mættur í Varmá Veiði Nýjar veiðitölur úr Veiðivötnum Veiði Er sumarflugan 2014 fundin? Veiði Allt samkvæmt áætlun í Ásgarðslandi Veiði Forúthlutun hafin hjá SVFR Veiði
Veiðin í Ytri Rangá hefur farið vel af stað í sumar og hlutfall stórlaxa er alltaf að aukast í ánni. Ytri Rangá er frekar þekkt fyrir að fara í gang þegar líður á júlí en það hefur heldur betur breyst á þessu ári en opnun hennar var sú besta frá upphafi og veiðin hefur hægt og rólega legið upp á við. Það sem hefur glatt veiðimenn og umsjónarmenn Ytri Rangár er sífellt hærra hlutfall stórlaxa í ánni en mikið af laxi 80-90 sm hefur veiðst og flestir af þeim verið settir í klakkistur þar sem þeir verða notaðir til undaneldis en það hefur gefið góða raun að ala undan snemmgengnum stórlaxi t.d. í Eystri Rangá. Nú er svo komið að dagleg veiði í ánni liggur á 50-60 löxum og þessi tala á bara eftir að hækka á næstunni en þrátt fyrir að göngurnar í hana hafi verið góðar koma stærstu göngurnar yfirleitt eftir seinni hlutann í júlí en þá verður veiðin í henni líka alveg ótrúlega góð. Smálaxagöngurnar eru aðeins farnar að láta sjá sig en þeir sem eiga daga á næstunni geta alveg farið að hlakka til því þegar þær mæta er, eins og alltaf, gaman á bökkum Ytri Rangár. Samkvæmt nýjum tölum frá Landssambandi Veiðifélaga er áin komin í 502 laxa.
Mest lesið Áhrif jakaflóða á laxveiðiár Veiði Veiði er hafin í Elliðavatni Veiði Formaður SVFR: Ljóst að Norðurá verður boðin út í vetur Veiði 90 laxa holl í Laxá í Dölum Veiði Veiði í Þingvallavatni hefst tíu dögum fyrr Veiði Sjóbirtingurinn er mættur í Varmá Veiði Nýjar veiðitölur úr Veiðivötnum Veiði Er sumarflugan 2014 fundin? Veiði Allt samkvæmt áætlun í Ásgarðslandi Veiði Forúthlutun hafin hjá SVFR Veiði