Glamour

Topp snyrtivörulistinn fyrir sumarið

GettyImages
Chanel Le Jour, La Nuit og Le Weekend

Ritstjórn Glamour velur must have í snyrtibudduna fyrir mánuðinn. 
Chanel Le Jour, La Nuit og Le Weekend 
Þessi þrenna er að bjarga okkur í árstíðaskiptunum. Le Jour undirbýr okkur fyrir daginn, La Nuit sefar og gefur raka yfir nóttina og Le Weekend endurnýjar húðina fyrir nýja viku. Þessi eru alveg uppáhalds.

YSL Touche Éclat Blur Perfector

YSL Touche Éclat Blur Perfector Nýji primerinn frá YSL er eiginlega ávanabindandi.
Hann gefur silkimjúka áferð og á annasömum dögum sér hann til þess að farðinn haldist á sínum stað. Svo eru umbúðirnar líka svo fallegar.

Label M Texturising Volume Spray

Label M Texturising Volume Spray 
Þetta kraftaverkasprey er það allra besta sem við höfum kynnst. Algjör himnasending fyrir fólk með flatt og fíngert hár sem engu hlýðir. Gefur fyllingu, hald og gerir hárið mun viðráðanlegra. 

Estée Lauder Enlighten EE Skintone Corrector

Estée Lauder Enlighten EE Even Effect skintone corrector
 Í nýjustu línu Estée Lauder er að finna andlitskrem, næturserum og EE krem. Línan vinnur á litablettum í húðinni, gefur henni fallegan ljóma og gefur EE kremið passlega þekju.

Laura Spa Mud Mask

Laugar Spa Mud Mask 
Hreinsandi og örvandi leirmaski úr nýju Laugar Spa línunni. Hentar flestum híuðgerðum en þá sérstaklega feitri og blandaðri húð. Tilvalinn til þess að hressa upp á andlitið eftir veturinn. 

Biothem BB milk

Biotherm BB Milk Lait Corporel 
Þar sem við erum miklir aðdáendur BB, CC og EE krema, þá tók hjartað smá auka kipp þegar BB krem fyrir líkamann var kynnt til leiks. Tilvalið á hand-og fótleggina í sumar til að jafna húðlitinn. Smitar ekki neitt og svo ilma Biotherm kremin svo dásamlega. 

Clinique Pop

Clinique Pop í Cherry Pop 
Þessi hressi og sumarlegi rauð-bleiki litur frá Clinique er að slá í gegn. Þetta er varalitur og primer í einni vöru þannig að hann endist og endist á vörunum. Getur hreinlega ekki klikkað. 

Blue Lagoon Rich Nourishing Lip Balm

Blue lagoon varasalvi
Þessi kom okkur verulega á óvart. Hann er mitt á milli þess að vera varasalvi og gloss, en er alls ekki klístraður. Gefur ofsalega góðan raka og næringu, bragðið er ekki of mikið eða pirrandi. Svo lætur hann varirnar líta djúsí út. 

Lancome Ombre Hypnôse stylo

Lancome Ombre Hypnôse stylo í Erika F
Fyrir B týpurnar á ritstjórninni er allt sem getur mögulega sparað dýrmætan tíma á morgnanna mjög kærkomið. Þessi augnskuggapenni er ekki bara dásamlegur á litinn, heldur helst hann á allan daginn. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.