Sumarhátíð SVFR haldin næsta laugardag

Hin árlega sumarhátíð Stangaveiðifélags Reykjavíkur verður haldin við salarkynni félagsins að Rafstöðvarvegi 14, næstkomandi laugardag 13. júní. Dagskráin hefst klukkan 13:00

Það verður mikið um að vera í dalnum og við hvetjum alla veiðimenn til þess að fjölmenna í dalinn og eiga góðan dag með öðrum veiðimönnum, segja sögur, spyrja spurninga og læra meira. 



Dagskrá dagsins:

– Pylsur verða á grillinu frá klukkan 13:00og að sjálfsögðu gos til að væta kverkarnar.

– Jóhannes frá Laxfiskum verður við teljarann við Elliðaárnar og spjallar við gesti og gangandi um lífríki ánna. Gestum gefst kostur á því að skoða urriða og laxaseiði, allt eftir því hvað kemur í háfinn.

– Fræðslunefnd félagsins verður við væsinn og sýnir gestum og gangandi hvernig skal bera sig að við hnýtingar á flugum.

– Kastkeppni verður á túninu og gefst þar öllum kostur á að prófa fluguköstin og fá tilsögn til þess að bæta sig.

– Afhending verðlauna í Fluguhnýtingarkeppni og Veiðisögukeppni Veiðimannsins.

– Happdrætti, þeir sem mæta í dalinn fá happdrættismiða sem dregið verður úr og eru glæsileg veiðileyfi í verðlaun. Einungis er dregið úr þeim miðum sem verða á staðnum.

– Gengið meðfram Elliðaánum, reyndir leiðsögumenn fara með áhugasama að veiðistöðum frá Ullarfossi og niðurúr og gefa tilsögn.

Það eru allir velkomnir á hátíðina, jafnt félagar í SVFR og áhugamenn um veiði.