Shelby Ford Raptor er 700 hestöfl

Shelby breytingafyrirtækið sem stofnað var af Carroll Shelby hefur í gegnum tíðina breytt Ford bílum og gert þá af kraftabílum. Það á vissulega við þennan Ford-150 Raptor, sem þó var mjög öflugur bíll fyrir breytingar Shelby.

Ford-150 Raptor er í grunninn mjög hæfur pallbíll fyrir utanvegaakstur, með mikla veghæð, slaglanga fjöðrun og 411 hestafla vél. Ekki þótti Shelby það nóg og er þessi úgáfa þeirra ríflega 700 hestöfl. Shelby hefur einnig breytt fjöðrun bílsins og hafi hann áður verið hæfur til utanvegaaksturs er hann nú algjört skrímsli í glímunni við möl og grjót.

Shelby breytti innanrými bílsins mikið og er þar lúxusinn allsráðandi. Aðeins verða framleidd 50 eintök af þessum bíl og verðið hefur næstum tvöfaldast frá hefðbundinni gerð Ford Raptor. Hann kostar 90.000 dollara, eða 12,5 milljónir króna, en venjulegur Raptor kostar 46.195 dollara.