Seðlabanki Evrópu herðir aðgerðir gegn Grikkjum

Seðlabanki Evrópu samþykkir ekki lengur að skuldabréf gríska ríkisins sem veð fyrir lánum til grískra banka. Þetta hefur í för með sér að lánskjör grískra banka munu versna umtalsvert. Bæði verður erfiðara fyrir þá að fá lánsfé og þeir munu þurfa að græða hærri vexti. BBC greinir frá.

Hlutabréfamarkaðir í Grikklandi lækkuðu um 6 prósent í kjölfar tíðindanna og hlutabréf í bönkum féllu um allt að 16 prósent. Þá hækkaði ávöxtunarkrafa á grískra ríkisskuldabréfa um 2 prósentustig.

Ný ríkisstjórn Grikklands undir forystu vinstri flokksins SYRIZA hefur átt í viðræðum við lánadrottna sínu um skuldalækkun ríkisins. Seðlabanki Evrópu sagðist ekki geta fullvissað sig um að hægt væri að ganga að því vísu að grísk ríkisskuldabréf fengjust greidd út.