Dró fram plóginn svo óboðnir gestir kæmust ekki leiðar sinnar

Það verður seint sagt um hinn króatíska Paul Bedekovic að hann deyi ráðalaus. Á hverjum einasta sunnudegi er haldinn flóamarkaður skammt frá býli Paul og hefur það gerst ítrekað að fólk leggi bílum sínum á tún hans, honum til mikillar gremju. Síðasta sunnudag taldi hann hátt í fimmtíu bíla á eign sinni og ákvað að grípa til sinna ráða.

Paul fór í dráttarvél sína, tengdi plóginn aftan í og ákvað að plægja akurinn sinn en á honum ræktar hann korn. Þegar hann hafði lokið sér af var staðan þannig að næsta ómögulegt var fyrir bílanna að komast í burtu. Óánægðir bifreiðareigendur hringdu á lögregluna og vildu láta handtaka bóndann en lögreglumennirnir bentu á að hann hefði engan bíl skemmt. Hann hefði fullkominn rétt á að ráðstafa landi sínu á þann hátt sem hann vildi.

Þegar bóndinn var viss um að fólk hefði lært sína lexíu aðstoðaði hann lögregluna við að hjálpa fólki að komast á brott. Myndband af þessu má sjá hér fyrir neðan.