Af tittlingum og peningalingum Jón Sigurður Eyjólfsson skrifar 7. febrúar 2015 08:00 Oft heyrir maður um hættuna sem steðjar að okkar ylhýra gagnvart aðgangsharðri enskunni sem sækir að okkur úr öllum áttum. Í sömu orðræðunni fylgja oft hvatningarorð um að vernda og geyma gull þetta í munni okkar. Það er gott og blessað en dugar skammt þegar sköpunarglöð og -gröð enskan sækir að. Nú dugir enginn varnarsigur heldur verðum við að sækja af krafti meðan við reynum svo að halda hreinu í vörninni. Íslenskan á því engan séns (æ, sorrí) nema ef við gefum sköpunargáfunni lausan tauminn og breytum henni á alla kanta meðan við varðveitum það sem fór um munn forfeðra vorra. Ein nýlundan sem mér dettur í hug er að færa sér í nyt smækkunarviðskeytið sem við vissulega eigum en notum helst til lítið. Á Spáni er hægt að biðja um cerveza ef mann þyrstir í bjór en líka cervezita vilji maður lítinn bjór. Eins þekkjum við þetta smækkunarviðskeyti í portúgölsku þar sem Ronaldo litli verður Ronaldinho. Við eigum þennan fína „ling“ eins og í stráklingur, eins er lítill og vesæll maður vesalingur. Það væri að bera í bakkafullan lækinn að ræða um titt þann er við karlmenn berum um okkur miðja og liggur óbættur hjá garði frá því að kaupakonur sáu Gretti liggja í lyngi eftir sjósund mikið. Mikil not má hafa af lingi þessu, sjáið bara hversu skemmtilegra orðið „vettlingur“ er heldur en „vöttur.“ Enginn skal þó nota orðið „kerling“ til að hefna fyrir Gretti, nema ef heilalingurinn er í einhverju ólagi eða kannski vonbrigðalingi í hjartlingi. Hins vegar má kalla lítinn fugl fugling, sá er eygir litla von getur borið vonlingi í hjartalingi og sá er býr í litlu húsi getur haldið til í húslingi sínu. Sá sem fær lítið útborgað fær síðan peningaling en sá sem fær mikið útborgað snýr sér til Guðrúnar Kvaran prófessors en hún finnur kannski hentugt stækkunarviðskeyti. Henni verður örugglega ekki skotaskuldling úr því. En nú læt ég pistlingi þessum lokið enda verð ég að fara að drífa mig í vinnlinguna. Viltu birta grein á Vísi? Sendu okkur póst. Senda grein Jón Sigurður Eyjólfsson Mest lesið Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun Mótum framtíðina saman Jónína Hauksdóttir ,Magnús Þór Jónsson Skoðun Íslenskir flóttamenn - í okkar eigin landi Gunnar Magnús Diego Skoðun Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun Magga Stína! Helga Völundardóttir Skoðun Halldór 4.10.2025 Halldór 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun Transumræðan og ruglið um fjölda kynja Einar Steingrímsson Skoðun Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Oft heyrir maður um hættuna sem steðjar að okkar ylhýra gagnvart aðgangsharðri enskunni sem sækir að okkur úr öllum áttum. Í sömu orðræðunni fylgja oft hvatningarorð um að vernda og geyma gull þetta í munni okkar. Það er gott og blessað en dugar skammt þegar sköpunarglöð og -gröð enskan sækir að. Nú dugir enginn varnarsigur heldur verðum við að sækja af krafti meðan við reynum svo að halda hreinu í vörninni. Íslenskan á því engan séns (æ, sorrí) nema ef við gefum sköpunargáfunni lausan tauminn og breytum henni á alla kanta meðan við varðveitum það sem fór um munn forfeðra vorra. Ein nýlundan sem mér dettur í hug er að færa sér í nyt smækkunarviðskeytið sem við vissulega eigum en notum helst til lítið. Á Spáni er hægt að biðja um cerveza ef mann þyrstir í bjór en líka cervezita vilji maður lítinn bjór. Eins þekkjum við þetta smækkunarviðskeyti í portúgölsku þar sem Ronaldo litli verður Ronaldinho. Við eigum þennan fína „ling“ eins og í stráklingur, eins er lítill og vesæll maður vesalingur. Það væri að bera í bakkafullan lækinn að ræða um titt þann er við karlmenn berum um okkur miðja og liggur óbættur hjá garði frá því að kaupakonur sáu Gretti liggja í lyngi eftir sjósund mikið. Mikil not má hafa af lingi þessu, sjáið bara hversu skemmtilegra orðið „vettlingur“ er heldur en „vöttur.“ Enginn skal þó nota orðið „kerling“ til að hefna fyrir Gretti, nema ef heilalingurinn er í einhverju ólagi eða kannski vonbrigðalingi í hjartlingi. Hins vegar má kalla lítinn fugl fugling, sá er eygir litla von getur borið vonlingi í hjartalingi og sá er býr í litlu húsi getur haldið til í húslingi sínu. Sá sem fær lítið útborgað fær síðan peningaling en sá sem fær mikið útborgað snýr sér til Guðrúnar Kvaran prófessors en hún finnur kannski hentugt stækkunarviðskeyti. Henni verður örugglega ekki skotaskuldling úr því. En nú læt ég pistlingi þessum lokið enda verð ég að fara að drífa mig í vinnlinguna.
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun