Þakkargjörðarhátíðin sækir í sig veðrið Guðrún Ansnes skrifar 27. nóvember 2015 11:00 Erna Kristín Blöndal hefur haldið þakkargjörðarhátíðina hátíðlega ásamt vinum frá 2005. Við höfum haldið þakkargjörðarhátíðina hátíðlega síðan árið 2005, ég veit ekki nákvæmlega hvað það var sem kom okkur á sporið en við erum náinn hópur sem finnst mjög gaman að hittast og búa okkur hreinlega til tilefni,“ segir Erna Kristín Blöndal, einn þeirra fjölmörgu Íslendinga sem tekið hafa ástfóstri við þakkargjörðarhátíðina, eða thanksgiving, eins og nafnið útleggst á frummálinu. Um ræðir hóp fullorðins fólks sem áður fyrr var bekkjarfélagar í Menntaskólanum í Reykjavík og hefur haldið góðum vinskap síðan. „Við leyfum okkur bara alveg að taka þessa bandarísku væmnu stemningu, þar sem við sýnum þakklæti, eldum saman og horfum á alla Thanksgiving-þættina úr Friends,“ útskýrir Erna og skellir upp úr. Hún viðurkennir fúslega að til að byrja með hafi kaldhæðnin verið ofar einlægninni í þakkarræðunum, en með tíð og tíma hafi þetta svo orðið væmnara með hverju skiptinu. „Í ár tókum við allan daginn í þetta, hittumst upp úr hádegi og skelltum þá kalkúninum inn í ofn þar sem hann mátti dúsa, milli þess sem hann var ausinn smjöri, þetta snýst nefnilega allt um smjörið,“ bendir Erna á. Hún segir jafnframt að hátíðin sé einkar fjölskylduvæn, þar sem ekki sé síður skemmtilegt fyrir börnin að vera með, þau geti alveg gert salat og svo séu þau ljómandi fín í baksturinn. Erna útskýrir þó skilmerkilega að ekki sé um að ræða þakkargjörðarhátíð nákvæmlega eins og þá sem Bandaríkjamenn blási til, þótt umgjörðin virðist sú sama. „Við erum ekki að halda á lofti sögunni sem einkennir daginn úti, við erum bara að finna okkur tilefni til að vera saman og vera svolítið væmin á okkar eigin forsendum.“ Hún segir jafnframt að dagsetningin sé alls ekki heilög, en þau reyni þó að dansa svolítið í kringum hina einu sönnu dagsetningu hverju sinni. „Þetta er bara svo ofboðslega gaman. Hvernig er til dæmis hægt annað en að verða svolítið væminn og glaður þegar maður er troðfullur af kalkún og pekanpæ? Það má meira að segja leggja sig í svona boðum.“ Erna var svo góð að deila með lesendum uppskriftum að velheppnaðri þakkargjörðarhátíð.Kalkúnn - Smjör, smjör, smjör og aftur smjörHér er miðað við 400 til 500 grömm á mann. Ofninn stilltur á 150°C og er miðað við 40-45 mín á hvert kíló, og svo auka 40 mínútur fyrir fyllinguna. Til að kjötið verði safaríkt skiptir smjörið öllu máli, og því nuddum við kalkúninn upp úr því áður en við kryddum. Gott er að sprauta smjöri inn í kalkúninn líka, í vöðva og undir húð. Kryddað með salti, pipar og smá paprikukryddi. Svo smjörbleytum við viskastykki og leggjum ofan á kalkúninn sem hann fer með inn í ofninn og hellum meira smjöri yfir bara til öryggis. Á hálftíma fresti tökum við kalkúninn aðeins út og hellum meira smjöri yfir hann allan sem við tökum úr ofnfatinu. Oftast þarf að skipta a.m.k. einu sinni um viskastykki á eldunartímanum. Við notum kjöthitamæli til að vita hvenær kalkúnninn er tilbúinn og reynum að taka hann út við u.þ.b. 72 gráður. Lífsfyllingin100 g smjör 2 meðalstórir laukar, smátt saxaðir 1 sellerístöngull, smátt saxaður 16 skorpulausar brauðsneiðar, skornar í teninga 12 beikonsneiðar, steiktar og brytjaðar smátt 113 grömm pekanhnetur grófsaxaðar 3 tsk. kalkúnakrydd frá Pottagöldrum 1 tsk. salt ½ tsk. hvítur pipar 2 stór egg, þeytt með gaffli 2 ½ dl ljóst kjötsoð Aðferð 1. Bræðið smjörið og mýkið laukinn og selleríið í því. 2. Takið pottinn af hitanum og bætið öllu nema eggjunum og soðinu saman við. Blandið vel saman. 3. Bætið eggjunum og soðinu að lokum út í. SætkartölfustappaLykillinn er að smakka vel til og finna hvað er nógu sætt eða of sætt fyrir þig. 2-3 kíló sætar kartöflur eru soðnar, afhýddar og stappaðar. Bætið við slatta af smjöri, kannski 8 matskeiðum, bolla af púðursykri, 1-2 dl af rjóma og salti eftir smekk. Sett í hrærivélina og þeytt þar til áferðin verður silkimjúk og engir klumpar. Hellt í stórt fat og sykurpúðum raðað þétt ofan á. Best er að nota litla sykurpúða eða skera venjulega sykurpúða í tvennt. Sett inn í ofn á 180 til 200 gráður í 30 mínútur þannig að sykurpúðarnir bráðni og fái stökka húð en brenni ekki. Sósan sem skiptir öllu máliInnmaturinn er brúnaður í smjöri ásamt lauk og er síðan fært í pott ásamt kjúklingasoði. Látið sjóða við vægan hita í um klukkutíma og því næst síað. Þegar kalkúnninn er fullsteiktur er safinn úr skúffunni sigtaður út í pottinn, sósan soðin upp og jöfnuð, sigtuð ef þurfa þykir og bragðbætt eftir smekk, til dæmis með rifsberjahlaupi Barack Obama, forseti Bandaríkjanna, heilsar upp á kalkúninn líkt og hefð er fyrir í aðdraganda þakkargjörðarhátíðarinnar í Hvíta húsinu.Vísir/Getty Almættinu þakkað í 394 árÞakkargjörðardagurinn er haldinn árlega í Bandaríkjunum og þá fjórða fimmtudag nóvembermánaðar, en Franklin D. Roosevelt, fyrrverandi forseti Bandaríkjanna, lét festa það í lög árið 1914. Hátíðin sjálf teygir sig þó yfir alla helgina. Fyrsta þakkargjörðardaginn má rekja alla leið aftur til ársins 1621 og var það í höndum enskra pílagríma að slá upp fyrstu hátíðinni. Eftir að hafa hrökklast frá Englandi tóku þeir sér bólfestu við Massachusettsflóa, og kölluðu staðinn Plymouth, og urðu svo himinlifandi með uppskeruna haustið eftir að úr varð allsherjar þakklætishátíð, þar sem guði var þakkað kærlega fyrir örlætið. Ensku flóttamennirnir buðu innfæddum í þriggja daga veislu þar sem villibráð og kalkúnn voru á boðstólum, líkt og tíðkast enn þann dag í dag. Hefur hátíðin teygt anga sína út um allan heim og hafa Japanar, Þjóðverjar, Hollendingar og Ástralar svo einhverjir séu nefndir, fest svipuð hátíðarhöld í dagatölunum sínum. Mest lesið Binni Glee hrundi til jarðar í Köben Lífið Balti hélt að Pálmi myndi aldrei mæta Bíó og sjónvarp Af vængjum fram: Borðaði vængi með hníf og gaffli og sagðist vera saddur Lífið „Parkinn er þannig að hann étur menn upp ef þeir ekki hreyfa sig“ Lífið Stofutónleikar Bubba og Víkings Heiðars til stuðnings Katrínu Lífið Syngja með Grease á fyrstu skynsegin sýningu Íslandssögunnar Bíó og sjónvarp Sitt sýnist hverjum um nýja mynd af Katrínu Lífið Eitt mesta átvagl sögunnar hætt að keppa: „Ekki lengur svangur“ Lífið Davíð Smári og Kolla selja glæsilega útsýnishæð Lífið Bæjarstjórn Garðabæjar ætlar að reisa styttu af kettinum Sushi Lífið Fleiri fréttir Stofutónleikar Bubba og Víkings Heiðars til stuðnings Katrínu „Parkinn er þannig að hann étur menn upp ef þeir ekki hreyfa sig“ Sitt sýnist hverjum um nýja mynd af Katrínu Binni Glee hrundi til jarðar í Köben Eitt mesta átvagl sögunnar hætt að keppa: „Ekki lengur svangur“ Sumarleg pitaya-skál frá Balí sem þú verður að prófa Af vængjum fram: Borðaði vængi með hníf og gaffli og sagðist vera saddur Opnar sig um ofbeldið af hálfu Diddy Bæjarstjórn Garðabæjar ætlar að reisa styttu af kettinum Sushi Myndaveisla: Hlátrasköll ómuðu um Elliðaárdal Snerting Egils Ólafssonar við lífið og tilveruna Forsetaáskorunin: Álíka nagli og Jason Statham Davíð Smári og Kolla selja glæsilega útsýnishæð Styrkja kaup á sérhönnuðu listaverki Ólafs Elíassonar Eigendur Sportvörur.is selja einbýlið í Garðabæ Eins árs leikhússkóli fyrir ungt fólk stofnaður í Þjóðleikhúsinu Segir konur fórna líkama sínum og heilsu á meðgöngu Nefnir nautin eftir þekktum íslenskum röppurum og Bent er alltaf með eitthvað vesen Svaraði engu um Affleck Alexandra greifynja breytir nafninu Birnir og Bríet gefa saman út plötu Einn stofnenda Train er látinn Forsetaáskorunin: Fraus á fyrsta Ted fyrirlestrinum en fann sig í augum Sally Fields Rakel María fann draumaprinsinn Tvöföld vandræði fyrir Doctor Victor Ætlar ekki að láta fjarlægja nafn Kleina Ísdrottningin einhleyp Sást með hringinn en eiginkonan enn víðsfjarri Ásdís Rán og frítt húðflúr hjá Prettyboitjokkó Litfögur listamannaíbúð við Melhaga Sjá meira
Við höfum haldið þakkargjörðarhátíðina hátíðlega síðan árið 2005, ég veit ekki nákvæmlega hvað það var sem kom okkur á sporið en við erum náinn hópur sem finnst mjög gaman að hittast og búa okkur hreinlega til tilefni,“ segir Erna Kristín Blöndal, einn þeirra fjölmörgu Íslendinga sem tekið hafa ástfóstri við þakkargjörðarhátíðina, eða thanksgiving, eins og nafnið útleggst á frummálinu. Um ræðir hóp fullorðins fólks sem áður fyrr var bekkjarfélagar í Menntaskólanum í Reykjavík og hefur haldið góðum vinskap síðan. „Við leyfum okkur bara alveg að taka þessa bandarísku væmnu stemningu, þar sem við sýnum þakklæti, eldum saman og horfum á alla Thanksgiving-þættina úr Friends,“ útskýrir Erna og skellir upp úr. Hún viðurkennir fúslega að til að byrja með hafi kaldhæðnin verið ofar einlægninni í þakkarræðunum, en með tíð og tíma hafi þetta svo orðið væmnara með hverju skiptinu. „Í ár tókum við allan daginn í þetta, hittumst upp úr hádegi og skelltum þá kalkúninum inn í ofn þar sem hann mátti dúsa, milli þess sem hann var ausinn smjöri, þetta snýst nefnilega allt um smjörið,“ bendir Erna á. Hún segir jafnframt að hátíðin sé einkar fjölskylduvæn, þar sem ekki sé síður skemmtilegt fyrir börnin að vera með, þau geti alveg gert salat og svo séu þau ljómandi fín í baksturinn. Erna útskýrir þó skilmerkilega að ekki sé um að ræða þakkargjörðarhátíð nákvæmlega eins og þá sem Bandaríkjamenn blási til, þótt umgjörðin virðist sú sama. „Við erum ekki að halda á lofti sögunni sem einkennir daginn úti, við erum bara að finna okkur tilefni til að vera saman og vera svolítið væmin á okkar eigin forsendum.“ Hún segir jafnframt að dagsetningin sé alls ekki heilög, en þau reyni þó að dansa svolítið í kringum hina einu sönnu dagsetningu hverju sinni. „Þetta er bara svo ofboðslega gaman. Hvernig er til dæmis hægt annað en að verða svolítið væminn og glaður þegar maður er troðfullur af kalkún og pekanpæ? Það má meira að segja leggja sig í svona boðum.“ Erna var svo góð að deila með lesendum uppskriftum að velheppnaðri þakkargjörðarhátíð.Kalkúnn - Smjör, smjör, smjör og aftur smjörHér er miðað við 400 til 500 grömm á mann. Ofninn stilltur á 150°C og er miðað við 40-45 mín á hvert kíló, og svo auka 40 mínútur fyrir fyllinguna. Til að kjötið verði safaríkt skiptir smjörið öllu máli, og því nuddum við kalkúninn upp úr því áður en við kryddum. Gott er að sprauta smjöri inn í kalkúninn líka, í vöðva og undir húð. Kryddað með salti, pipar og smá paprikukryddi. Svo smjörbleytum við viskastykki og leggjum ofan á kalkúninn sem hann fer með inn í ofninn og hellum meira smjöri yfir bara til öryggis. Á hálftíma fresti tökum við kalkúninn aðeins út og hellum meira smjöri yfir hann allan sem við tökum úr ofnfatinu. Oftast þarf að skipta a.m.k. einu sinni um viskastykki á eldunartímanum. Við notum kjöthitamæli til að vita hvenær kalkúnninn er tilbúinn og reynum að taka hann út við u.þ.b. 72 gráður. Lífsfyllingin100 g smjör 2 meðalstórir laukar, smátt saxaðir 1 sellerístöngull, smátt saxaður 16 skorpulausar brauðsneiðar, skornar í teninga 12 beikonsneiðar, steiktar og brytjaðar smátt 113 grömm pekanhnetur grófsaxaðar 3 tsk. kalkúnakrydd frá Pottagöldrum 1 tsk. salt ½ tsk. hvítur pipar 2 stór egg, þeytt með gaffli 2 ½ dl ljóst kjötsoð Aðferð 1. Bræðið smjörið og mýkið laukinn og selleríið í því. 2. Takið pottinn af hitanum og bætið öllu nema eggjunum og soðinu saman við. Blandið vel saman. 3. Bætið eggjunum og soðinu að lokum út í. SætkartölfustappaLykillinn er að smakka vel til og finna hvað er nógu sætt eða of sætt fyrir þig. 2-3 kíló sætar kartöflur eru soðnar, afhýddar og stappaðar. Bætið við slatta af smjöri, kannski 8 matskeiðum, bolla af púðursykri, 1-2 dl af rjóma og salti eftir smekk. Sett í hrærivélina og þeytt þar til áferðin verður silkimjúk og engir klumpar. Hellt í stórt fat og sykurpúðum raðað þétt ofan á. Best er að nota litla sykurpúða eða skera venjulega sykurpúða í tvennt. Sett inn í ofn á 180 til 200 gráður í 30 mínútur þannig að sykurpúðarnir bráðni og fái stökka húð en brenni ekki. Sósan sem skiptir öllu máliInnmaturinn er brúnaður í smjöri ásamt lauk og er síðan fært í pott ásamt kjúklingasoði. Látið sjóða við vægan hita í um klukkutíma og því næst síað. Þegar kalkúnninn er fullsteiktur er safinn úr skúffunni sigtaður út í pottinn, sósan soðin upp og jöfnuð, sigtuð ef þurfa þykir og bragðbætt eftir smekk, til dæmis með rifsberjahlaupi Barack Obama, forseti Bandaríkjanna, heilsar upp á kalkúninn líkt og hefð er fyrir í aðdraganda þakkargjörðarhátíðarinnar í Hvíta húsinu.Vísir/Getty Almættinu þakkað í 394 árÞakkargjörðardagurinn er haldinn árlega í Bandaríkjunum og þá fjórða fimmtudag nóvembermánaðar, en Franklin D. Roosevelt, fyrrverandi forseti Bandaríkjanna, lét festa það í lög árið 1914. Hátíðin sjálf teygir sig þó yfir alla helgina. Fyrsta þakkargjörðardaginn má rekja alla leið aftur til ársins 1621 og var það í höndum enskra pílagríma að slá upp fyrstu hátíðinni. Eftir að hafa hrökklast frá Englandi tóku þeir sér bólfestu við Massachusettsflóa, og kölluðu staðinn Plymouth, og urðu svo himinlifandi með uppskeruna haustið eftir að úr varð allsherjar þakklætishátíð, þar sem guði var þakkað kærlega fyrir örlætið. Ensku flóttamennirnir buðu innfæddum í þriggja daga veislu þar sem villibráð og kalkúnn voru á boðstólum, líkt og tíðkast enn þann dag í dag. Hefur hátíðin teygt anga sína út um allan heim og hafa Japanar, Þjóðverjar, Hollendingar og Ástralar svo einhverjir séu nefndir, fest svipuð hátíðarhöld í dagatölunum sínum.
Mest lesið Binni Glee hrundi til jarðar í Köben Lífið Balti hélt að Pálmi myndi aldrei mæta Bíó og sjónvarp Af vængjum fram: Borðaði vængi með hníf og gaffli og sagðist vera saddur Lífið „Parkinn er þannig að hann étur menn upp ef þeir ekki hreyfa sig“ Lífið Stofutónleikar Bubba og Víkings Heiðars til stuðnings Katrínu Lífið Syngja með Grease á fyrstu skynsegin sýningu Íslandssögunnar Bíó og sjónvarp Sitt sýnist hverjum um nýja mynd af Katrínu Lífið Eitt mesta átvagl sögunnar hætt að keppa: „Ekki lengur svangur“ Lífið Davíð Smári og Kolla selja glæsilega útsýnishæð Lífið Bæjarstjórn Garðabæjar ætlar að reisa styttu af kettinum Sushi Lífið Fleiri fréttir Stofutónleikar Bubba og Víkings Heiðars til stuðnings Katrínu „Parkinn er þannig að hann étur menn upp ef þeir ekki hreyfa sig“ Sitt sýnist hverjum um nýja mynd af Katrínu Binni Glee hrundi til jarðar í Köben Eitt mesta átvagl sögunnar hætt að keppa: „Ekki lengur svangur“ Sumarleg pitaya-skál frá Balí sem þú verður að prófa Af vængjum fram: Borðaði vængi með hníf og gaffli og sagðist vera saddur Opnar sig um ofbeldið af hálfu Diddy Bæjarstjórn Garðabæjar ætlar að reisa styttu af kettinum Sushi Myndaveisla: Hlátrasköll ómuðu um Elliðaárdal Snerting Egils Ólafssonar við lífið og tilveruna Forsetaáskorunin: Álíka nagli og Jason Statham Davíð Smári og Kolla selja glæsilega útsýnishæð Styrkja kaup á sérhönnuðu listaverki Ólafs Elíassonar Eigendur Sportvörur.is selja einbýlið í Garðabæ Eins árs leikhússkóli fyrir ungt fólk stofnaður í Þjóðleikhúsinu Segir konur fórna líkama sínum og heilsu á meðgöngu Nefnir nautin eftir þekktum íslenskum röppurum og Bent er alltaf með eitthvað vesen Svaraði engu um Affleck Alexandra greifynja breytir nafninu Birnir og Bríet gefa saman út plötu Einn stofnenda Train er látinn Forsetaáskorunin: Fraus á fyrsta Ted fyrirlestrinum en fann sig í augum Sally Fields Rakel María fann draumaprinsinn Tvöföld vandræði fyrir Doctor Victor Ætlar ekki að láta fjarlægja nafn Kleina Ísdrottningin einhleyp Sást með hringinn en eiginkonan enn víðsfjarri Ásdís Rán og frítt húðflúr hjá Prettyboitjokkó Litfögur listamannaíbúð við Melhaga Sjá meira