Enginn reyndist verðugur - Myndband

Margir hverjir kannast við hamarinn Mjölni, úr goðafræðinni eða Marvel kvikmyndunum um Þór. Samkvæmt Marvel kvikmyndaheiminum getur enginn haldið á hamrinum, nema hann sé verðugur krafta Þórs. Ungur uppfinningamaður tók sig til og smíðaði eftirlíkingu af hamrinum með sterkum seglum og fingrafaraskanna.

Hamarinn setti hann svo ofan á járnyfirborð á Venice Beach í Bandaríkjunum og plataði fólk til að reyna að lyfta honum. Hann sjálfur gat svo auðveldlega lyft honum með því að slökkva á seglunum með fingrafari sínu.