Nær Kylie að botna Kim?

Kylie Jenner fetar í fótspor stóru systur sinnar Kim Kardashian West, og berar bossann í nýjum myndaþætti í tímaritinu Interview. Myndirnar tók ljósmyndarinn Steven Klein. 

Kim sprengdi internetið eftirminnilega í fyrra, þegar myndir af henni birtust með nakinn afturhlutann á forsíðu Paper magazine, og því er spurning hvort Kylie takist það sama.

Á myndunum klæðist híun meðal annars rasslausum latex buxum og koparlitu korseletti á meðan hún situr klofvega á karlfyrirsætu. 

Í viðtalinu í Interview segir Kylie að sú persóna sem hún sýni á Snapchat og Instagram sé ekki sú sem hún er í raun og veru og segist eiga sér aðra hlið sem fólk viti ekkert um. 

„Ég er mun djarfari á þessum samfélagsmiðlum en ég er, því það er það sem fólk vill sjá og ég hef alltaf gert þetta svo ég ætla ekki að fara að hætta því. Fólk vill sjá bílana mína og fínu töskurnar mínar. Fólk elskar tísku. En þetta er ekki ég.“