Sjö hlutir sem ég sá fyrir Atli Fannar Bjarkason skrifar 11. desember 2014 07:00 Óyggjandi vísindi völva eru öllum ljós. Í lok síðasta árs rýndi ég í lófaspákúluna og þegar litið er um öxl kemur í ljós að ég reyndist sannspár í sjö atriðum.7. Kommentakerfi DV verður lagt niður og landsmönnum býðst að senda hver öðrum kaldar kveðjur með drónum. – Þarna átti ég að sjálfsögðu við lætin í kringum eignarhald á DV og síðar eigendaskipti.6. Megrunarkúrinn „Éttu skít“ verður kynntur til sögunnar og hampað af helstu sérfræðingum á sviði næringarfræða. – Sameinuðu þjóðirnar bentu á í maí á þessu ári að um 1.900 tegundir af ætum skordýrum væru þekktar á jörðinni. Bent var á að vestræn ríki séu þau einu sem líta svo á að skordýraát sé ógeðslegt. Skilaboðin voru skýr: Borðið skordýr. Rétt eins og ég spáði um. Nánast.5. Fyrsti rafbíllinn á Íslandi verður rafmagnslaus á Sæbraut. Þegar eigandinn hringir eftir aðstoð verður síminn hans batteríslaus. – Þetta er pottþétt búið að gerast. Aldrei hafa fleiri rafbílar verið fluttir til landsins en árið 2013. Þá er símanotkun orðin þannig að fólk þarf að hlaða símann tvisvar á dag. Þetta vissi ég.4. Flóttamanni er vísað úr landi vegna þess að hann gleymir ítrekað að bjóða góðan daginn. – Þarna tókst mér að spá um lekamálið og eftirmál þess með slíkri nákvæmni að það væri galið af mér að kaupa ekki lottó um helgina.3. Í örvæntingarfullri leit að fjármagni byrjar Landspítalinn með eigin útgáfu af „Vertu viss“ þar sem líffæri eru gjaldmiðillinn. – Þarna spáði ég um kjaradeilu lækna ásamt aðstöðuvanda á Landspítalanum. Eitthvað sem enginn sá fyrir.2. Ökukennarinn Gylfi Sigurðsson semur við þýska úrvalsdeildarliðið Bayern München – misskilningur sem kostar liðið 13 milljarða. – Eitthvað sagði mér að Gylfi Sigurðsson myndi semja við nýtt lið á árinu. Það þarf ekki mikið ímyndunarafl til að lesa þær fréttir úr spá minni.1. Rafbílavæðingin heldur áfram þegar Toyota kynnir nýjan og endurbættan Rav 4. – Ég sagði ykkur það. Viltu birta grein á Vísi? Sendu okkur póst. Senda grein Atli Fannar Bjarkason Fréttir ársins 2014 Mest lesið Kveðjur úr Grafarvogi til þeirra sem kasta steinum úr glerhúsi Davíð Már Sigurðsson Skoðun Jafnaðarmennskan og verkalýðsbaráttan Sigfús Ómar Höskuldsson Skoðun Leiðsöguhundurinn Gaur gerir mig að betri manneskju Þorkell J. Steindal Skoðun Það sem er ósagt varðandi vinnubrögð hjá Háskólanum á Akureyri Þóra Sigurðardóttir Skoðun Opið bréf til fjármálaráðherra, Daða Más Kristóferssonar Íris Róbertsdóttir Skoðun Að undirbúa börnin okkar fyrir heim sem er að hverfa Halldóra Mogensen Skoðun Hvað er „furry“ annars? Jóhanna Jódís Antonsdóttir Skoðun Sjúklingur settur í fangaklefa Arnar Þór Jónsson Skoðun Ég kalla hann Isildur; mentorinn minn er gervigreind Björgmundur Guðmundsson Skoðun Fimmtíu ár frá lokum Víetnamstríðsins Finnur Th. Eiríksson Skoðun
Óyggjandi vísindi völva eru öllum ljós. Í lok síðasta árs rýndi ég í lófaspákúluna og þegar litið er um öxl kemur í ljós að ég reyndist sannspár í sjö atriðum.7. Kommentakerfi DV verður lagt niður og landsmönnum býðst að senda hver öðrum kaldar kveðjur með drónum. – Þarna átti ég að sjálfsögðu við lætin í kringum eignarhald á DV og síðar eigendaskipti.6. Megrunarkúrinn „Éttu skít“ verður kynntur til sögunnar og hampað af helstu sérfræðingum á sviði næringarfræða. – Sameinuðu þjóðirnar bentu á í maí á þessu ári að um 1.900 tegundir af ætum skordýrum væru þekktar á jörðinni. Bent var á að vestræn ríki séu þau einu sem líta svo á að skordýraát sé ógeðslegt. Skilaboðin voru skýr: Borðið skordýr. Rétt eins og ég spáði um. Nánast.5. Fyrsti rafbíllinn á Íslandi verður rafmagnslaus á Sæbraut. Þegar eigandinn hringir eftir aðstoð verður síminn hans batteríslaus. – Þetta er pottþétt búið að gerast. Aldrei hafa fleiri rafbílar verið fluttir til landsins en árið 2013. Þá er símanotkun orðin þannig að fólk þarf að hlaða símann tvisvar á dag. Þetta vissi ég.4. Flóttamanni er vísað úr landi vegna þess að hann gleymir ítrekað að bjóða góðan daginn. – Þarna tókst mér að spá um lekamálið og eftirmál þess með slíkri nákvæmni að það væri galið af mér að kaupa ekki lottó um helgina.3. Í örvæntingarfullri leit að fjármagni byrjar Landspítalinn með eigin útgáfu af „Vertu viss“ þar sem líffæri eru gjaldmiðillinn. – Þarna spáði ég um kjaradeilu lækna ásamt aðstöðuvanda á Landspítalanum. Eitthvað sem enginn sá fyrir.2. Ökukennarinn Gylfi Sigurðsson semur við þýska úrvalsdeildarliðið Bayern München – misskilningur sem kostar liðið 13 milljarða. – Eitthvað sagði mér að Gylfi Sigurðsson myndi semja við nýtt lið á árinu. Það þarf ekki mikið ímyndunarafl til að lesa þær fréttir úr spá minni.1. Rafbílavæðingin heldur áfram þegar Toyota kynnir nýjan og endurbættan Rav 4. – Ég sagði ykkur það.