Blótmæli Haukur Viðar Alfreðsson skrifar 25. ágúst 2014 08:00 Fari það í heitasta djöfulsins helvíti,“ muldraði ég með sjálfum mér í bakherbergi kirkju einnar á höfuðborgarsvæðinu fyrir stuttu. Það hljómar virkilega barnalega en ég fæ eitthvert óútskýranlegt kikk út úr því að bölva og ragna í kirkjum. Ég sýni kirkjugestum reyndar alltaf þá virðingu að láta ekki til mín heyra og hef ég haldið þessum skrýtna sið fyrir sjálfan mig þar til nú. Pirringur minn í garð þjóðkirkjunnar vex með hverju árinu sem líður. Og biskup Íslands hellti úr stórri olíutunnu á þann eld á dögunum. Því miður lúffaði útvarpsstjóri þegar hann var beittur gamalkunnri handrukkarataktík vegna morgunbænarinnar á Rás 1, sem til stóð að fjarlægja úr dagskránni. Stofnuð var Facebook-grúppan „Orð kvöldsins og Morgunbæn verði áfram á RÚV“ og var fólki miskunnarlaust bætt inn í grúppuna án þess að það væri spurt leyfis. Þeir sem gerðu athugasemd við fyrirkomulagið fengu þau tilmæli að lítið mál væri að skrá sig úr grúppunni. Þetta er lúaleg aðferð við að safna liði en hún rímar fullkomlega við aðferðir kirkjunnar við hausasöfnun. Okkur er „addað“ í kirkjuna gegn vilja okkar áður en við svo mikið sem lærum að skríða. Svo fær kirkjan peninga fyrir hverja einustu hræðu þar til fólk skráir sig sjálft úr henni á fullorðinsaldri. Ef það þá nennir því. Hver yrðu viðbrögð þeirra sem finnst þetta eðlilegt ef ég bætti þeim við grúppuna „Félag áhugafólks um hundaerótík“ að þeim forspurðum? Myndi biskup halda ró sinni ef ég addaði honum? Smella á „leave group“ í rólegheitunum og fara að hugsa um eitthvað annað? Nei, ég hugsa að Agnes yrði mjög pirruð. Réttilega, enda væri þetta argasti dónaskapur. En ómálga börn geta ekki smellt á „leave group“ og á því þrífst þjóðkirkjan. Það er fullkomlega siðlaust og þar til þessu verður breytt mun ég í mótmælaskyni halda áfram að tvinna saman blótsyrðum í kirkjum landsins. Viltu birta grein á Vísi? Sendu okkur póst. Senda grein Haukur Viðar Alfreðsson Mest lesið Við höfum ekki efni á norsku leiðinni Heiðrún Lind Marteinsdóttir Skoðun Fólkið sem gleymdist í Grindavík Bryndís Gunnlaugsdóttir Skoðun Hver er viðskiptalegur ávinningur af EES-samningnum? Sigurbjörn Svavarsson Skoðun Opið bréf til hæstvirts innviðaráðherra, Eyjólfs Ármannssonar, um íslensku og ábyrgð Nichole Leigh Mosty Skoðun Elsku ASÍ, bara… Nei Sunna Arnardóttir Skoðun Styðjum þá sem bjarga okkur Jens Garðar Helgason Skoðun Börnin á Gasa Ebba Margrét Magnúsdóttir Skoðun Gigtarmaí 2025 – Stuðlum að forvörnum, fræðslu og vitundarvakningu Hrönn Stefánsdóttir Skoðun Áskorun til ráðherra mennta- og barnamála og ráðherra menningarmála Anna Klara Georgsdóttir Skoðun Rússar pyntuðu og myrtu úkraínsku blaðakonuna Viktoriiu Roshchyna Erlingur Erlingsson Skoðun
Fari það í heitasta djöfulsins helvíti,“ muldraði ég með sjálfum mér í bakherbergi kirkju einnar á höfuðborgarsvæðinu fyrir stuttu. Það hljómar virkilega barnalega en ég fæ eitthvert óútskýranlegt kikk út úr því að bölva og ragna í kirkjum. Ég sýni kirkjugestum reyndar alltaf þá virðingu að láta ekki til mín heyra og hef ég haldið þessum skrýtna sið fyrir sjálfan mig þar til nú. Pirringur minn í garð þjóðkirkjunnar vex með hverju árinu sem líður. Og biskup Íslands hellti úr stórri olíutunnu á þann eld á dögunum. Því miður lúffaði útvarpsstjóri þegar hann var beittur gamalkunnri handrukkarataktík vegna morgunbænarinnar á Rás 1, sem til stóð að fjarlægja úr dagskránni. Stofnuð var Facebook-grúppan „Orð kvöldsins og Morgunbæn verði áfram á RÚV“ og var fólki miskunnarlaust bætt inn í grúppuna án þess að það væri spurt leyfis. Þeir sem gerðu athugasemd við fyrirkomulagið fengu þau tilmæli að lítið mál væri að skrá sig úr grúppunni. Þetta er lúaleg aðferð við að safna liði en hún rímar fullkomlega við aðferðir kirkjunnar við hausasöfnun. Okkur er „addað“ í kirkjuna gegn vilja okkar áður en við svo mikið sem lærum að skríða. Svo fær kirkjan peninga fyrir hverja einustu hræðu þar til fólk skráir sig sjálft úr henni á fullorðinsaldri. Ef það þá nennir því. Hver yrðu viðbrögð þeirra sem finnst þetta eðlilegt ef ég bætti þeim við grúppuna „Félag áhugafólks um hundaerótík“ að þeim forspurðum? Myndi biskup halda ró sinni ef ég addaði honum? Smella á „leave group“ í rólegheitunum og fara að hugsa um eitthvað annað? Nei, ég hugsa að Agnes yrði mjög pirruð. Réttilega, enda væri þetta argasti dónaskapur. En ómálga börn geta ekki smellt á „leave group“ og á því þrífst þjóðkirkjan. Það er fullkomlega siðlaust og þar til þessu verður breytt mun ég í mótmælaskyni halda áfram að tvinna saman blótsyrðum í kirkjum landsins.
Opið bréf til hæstvirts innviðaráðherra, Eyjólfs Ármannssonar, um íslensku og ábyrgð Nichole Leigh Mosty Skoðun
Áskorun til ráðherra mennta- og barnamála og ráðherra menningarmála Anna Klara Georgsdóttir Skoðun
Opið bréf til hæstvirts innviðaráðherra, Eyjólfs Ármannssonar, um íslensku og ábyrgð Nichole Leigh Mosty Skoðun
Áskorun til ráðherra mennta- og barnamála og ráðherra menningarmála Anna Klara Georgsdóttir Skoðun