Miðaverð á tónleika Justins Timberlake liggur fyrir

Miðaverð á tónleika Justins Timberlake liggur fyrir en þrjú verðsvæði eru í boði.

Verðin eru eftirfarandi:

Stæði: 14.990 krónur

Stúka B: 19.990 krónur

Stúka A: 24.990 krónur

Um það bil 1.300 sæti eru samtals í stúkunni og þar af um 800 sæti í A svæði og um 500 sæti í B svæði. Um 14.700 stæðismiðar eru í boði.

Það skal tekið fram að stúkan er aftast í salnum og að stæðið er eitt svæði.

WOW Air og Vodafone eru bakhjarlar Justin Timberlake tónleikanna á Íslandi og verða bæði fyrirtækin með sérstakar forsölur fyrir sína viðskiptavini miðvikudaginn 5. mars klukkan 10.00 til 17.00.

Fyrirtæki ætla að tilkynna innan skamms hvernig þær forsölur munu fara fram. Miðar í öll svæði verða í boði í forsölunum en takmarkað magn miða er í boði í þeim.

Almenn miðasala hefst svo fimmtudaginn 6. mars klukkan 10.00 á midi.is.