Bílar

Citroën Cactus 2L er sparigrís

Finnur Thorlacius skrifar
Citroën Cactus 2L.
Citroën Cactus 2L.
Einn af þeim bílum sem vakið hefur hvað mesta athygli á bílasýningunni í París sem hófst í síðustu viku er þessi sparigrís frá Citroën. Hann heitir Citroën Cactus 2L og vitnar endi nafnsins í eyðslu bílsins en hann eyðir aðeins 2 lítrum á hverja hundrað kílómetra.

Það var ekki bara lág eyðsla bílsins sem vakti athygli heldur einnig frumleg og djörf hönnun hans. Þessi bíll er á stærð við Ford Focus, en á einna helst að keppa við bíla eins og Nissan Juke og Renault Captur um hylli kaupenda, enda er þetta smár jepplingur.

Drifrás þessa nýja bíls samanstendur af  þriggja strokka bensínvél og sérstöku Hybrid Air tvinnkerfi. Stilla má hvort eingöngu er notast við brunavélina, eingöngu við Hybrid Air kerfið, eða bæði í einu. Bíllinn er einstaklega léttur, eða aðeins 950 kíló og á það ekki síst þátt í lágri eyðslu bílsins , sem aðeins er 2 lítrar. 

Mest lesið




×

Mest lesið