Bílar

Rafbíll ferðaðist 2500 kílómetra fyrir 2000 krónur

T-1 er þessa dagana á bílasýningu í Tyrklandi
T-1 er þessa dagana á bílasýningu í Tyrklandi

Tyrkneskur rafbíll ferðaðist á dögunum 2500 kílómetra leið fyrir einungis 37.5 tyrkneskar lírur eða rétt rúmar 2000 íslenskar krónur. Ferðin hófst 15. september síðastliðinn og lá leiðin í gegnum sex tyrkneskar borgir.

Bíllinn er kallaður T-1 en hann var hannaður og smíðaður af starfsfólki og nemum við háskólann í Istanbúl.

T-1 kemst að meðaltali 500 kílómetra leið á fjögurra klukkustunda hleðslu.

Ferð bílsins lauk á mánudag en þá hafði hann keyrt í gegnum Ankara, SamsunTrabzon, erzurum, Diyarbakir og Gaziantep áður en hann hélt til Kayezeri þar sem  gestur og gangandi fá að berja hann augum næstu daga.

T-1 vegur um 500 kíló og getur náð allt að 130 kílómetra hraða á klukkustund. För bílsins hefur vakið töluverða athygli þar í landi en þó verður að teljast ólíklegt að hann verði fjöldaframleiddur. Smíði bílsins var bæði tímafrek og kostnaðarsöm – ferlið tók alls um eitt og hálft ár og kostaði rúmlega 24 milljónir króna.

Þrátt fyrir það er T-1, eins og hér hefur verið drepið á, tiltölulega ódýr í rekstri en eldsneytiskostnaðurinn fyrir 500 kílómetra akstur nemur einungis 3.75 prósentum af kostnaðinum sem hlýst af því að aka venjulegum fjölskyldubíl sömu leið.

Eftir að bílasýningunni lýkur mun T-1 verða ekið aftur til Istanbúl þar sem á honum verða unnar endurbætur og grunnur lagður að næstu útgáfu bílsins. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.