Subaru mokast út vestanhafs

Subaru gerði áætlun um sölu 460.000 bíla í Bandaríkjunum í upphafi árs en hefur nú þurft að uppfæra þessa áætlun í 500.000 bíla vegna frábærrar sölu. Í fyrra seldi Subaru 424.683 bíla þar og því er nýja áætlunin 17% yfir sölunni í fyrra. Ekki slæmt það.

Til loka ágúst hefur Subaru selt 333.968 bíla vestanhafs en á sama tíma í fyrra voru þeir 281.653 og aukningin því 18,6%. Því eru áætlanir Subaru fljótt á litið ekki svo brattar.

Best hefur gengið að selja Subaru Forester en sala þess bíls hefur aukist um 42%. Það á reyndar einnig við Subaru XV Crosstrek. Subaru Legacy og Outback eru nú að koma af nýrri gerð og hefur Subaru miklar væntingar til þeirra. Subaru hefur selt mest af Foreste bílnum, eða 105.356 eintök og Outback hefur selst í 85.951 eintaki og Impreza 48.612.

Þessi gríðarlega velgengni Subaru í Bandaríkjunum hófst fyrir alvöru árið 2009. Nýliðinn ágúst var 33 mánuðurinn í röð sem Subaru aukur sölu sína milli ára og hefur Subaru tvöfaldað sölu sína frá árinu 2009, en þá seldust þar 216.652 bílar. Ef 500.000 bílar seljast í ár er um að ræða 131% aukningu á 5 árum.