Fljótustu fjölskyldubílarnir

Bílar sem taka sprettinn í hundraðið á 3,4 til 4,5 sekúndum falla yfirleitt í sportbílaflokk eða ofurbílaflokk bíla. Til eru þó venjulegir fjölskyldubílar með 5 sætum sem eru svona fljótir. Hér sjást nokkrir þeirra fljótustu.

Sá sneggsti á listanum sést hér að ofan, Audi RS7 en hann er ógnarfljótur og kemst á 100 km hraða á 3,4 sekúndum. Það hjálpar honum í snerpunni að vera með drif á öllum hjólum eins og svo margir bílar frá Audi. Þessi bíll er með 306 km hámarkshraða og auk þess alveg gullfallegur. 

Mercedes Benz E63 AMG S er fjórhjóladrifinn eins og Audi RS7. Hann kemst í 100 á 3,5 sekúndum með sín 577 hestöfl og hámarkshraðinn er 300 km/klst.

Porsche Panamera Turbo S er lúxusfjölskyldubíll með 550 hestafla vél og fer í hundraðið á 3,6 sekúndum og hættir ekki hröðuninni fyrr en náð er 309 km/klst.

BMW M5/M6 Gran Coupe er vopnaður 560 hestafla vél og fer sprettinn í 100 á 3,7 sekúndum og er með hámarkshraðann 306 km/klst.

BMW M5 af módelgerðinni E60 er 507 hestöfl. Hann kemst á 100 km hraða á 4,2 sekúndum og hámarkshraðinn er 328 km/klst. Hann er því með talsvert meiri hámarkshraða en nýjasta kynslóð BMW M5/M6, en er ekki eins snöggur í hundraðið.

Bentley Flying Spur W12 er 4,3 sekúndur í hundraðið og með hámarkshraðann 322 km/klst. Nokkuð gott fyrir svo stóran og þungan bíl.

Aston Martin Rapide S er 4,4 sekúndur í 100 og hámarkshraðinn er 306 km/klst. Hann er með 12 strokka vél.

Jaguar XFR-S er 4,4 sekúndur í 100 eins og Aston Martin Rapide S, en hámarkshraði hans er 300 km/klst. Svo sem ekkert lélegt.

Ford Falcon GT-F 351 er 4,5 sekúndur í 100 og með hámarkshraðann 300 km/klst. Hann er framleiddur fyrir Ástralíumarkað.