Landsframleiðsla Bandaríkja eykst um 4% á öðrum ársfjórðungi

Verg þjóðarframleiðsla Bandaríkja Norður-Ameríku jókst úr tveggja prósenta samdrætti á fyrsta ársfjórðungi í fjögurra prósenta aukningu á öðrum fjórðungi. Wall Street Journal fjallar um þetta.

Vöxturinn er afleiðing þess að fyrirtæki hafa aukið við birgðir sínar, sem og aukinni eyðslu neytenda sem sprettur af því að tekjur neytenda hafa aukist og því að fleiri störf eru nú í boði en fyrr.

Helst voru það þessir tveir þættir sem komu í veg fyrir að aukinn innflutningur Bandaríkjamanna hefði neikvæð áhrif á vaxtarhorfur. Birgðahaldið eitt og sér átti 1,6% af þessum fjórum prósentum sem efnahagurinn óx um.

Þó er ekki víst að þetta aukna birgðahald sé góðs merki, eins og skrifstofa efnahagsgreiningar bandaríska ríkisins nefnir í skýrslu sinni um ársfjórðungsvöxtinn.

Ófyrirséð aukning birgðahalds gæti nefnilega leitt til niðurskurði í framleiðslu í komandi framtíð, og á sama hátt gæti samdráttur birgðahalds leitt til framleiðsluaukningar.

Birgðahaldsaukningin gæti því gefið vísbendingar um það að þriðji ársfjórðungur feli í sér samdrátt.